Politikki

Aleqamut tatiginninnginnermik taasisitsisoqarnissaa pinngitsoortinneqarpoq

Naalakkersuisut siulittaasuata aningaasanik atornerluisimaneranut suliaq, Inatsisartut ukiakkut ataatsimiineranni ullormi siullermi pisumi oqaluuserineqagaatsiarpoq, Naalakkersuisut siulittaasuata ammaalluni oqalugiarnera tikinneqanngivissorluni, Aleqa Hammondilli sulinngiffeqarnissaanut tunngasoq annertuumik oqaluuserineqarluni.

Jens Immanuelsen, Aleqa Hammond, Lars Emil Johansen, Martha Lund Olsen

Allattoq Apollo Jeremiassen

septembarip 30-at 2014 18:45

Parti Naleqqap siunnersuutigaa, Naalakkersuisut siulittaasuannut tatigininnginnermik taasisitsisoqassasoq.

Inatsisartunulli ilaasortat amerlanerussuteqartut, Siumut Atassullu tunuliaqutigalugit, Naalakkersuisut siulittaasuanut illuatungiliuttut tatiginninnginnermik taasisitsinissamik kissaataat pinngitsoortippaat.

- Siumut aamma Atassut siunnersuuteqarput Inatsisartut imaattumik aalajangissasut. Ullormut oqaluuserisassap normu 140-p oqaluuserineqarnerani, Naalakkersuisut siulittaasuata tatiginassusaa Inatsisartunut ilaasortat amerlanerussuteqartut apeqqusinngilaat.

- Naalakkersuisut siulittaasuat pillugu apeqqut, Inatsisartut Kukkunersiuinermut ataatsimiititaliaani suliarineqassammat, Inatsisartuni amerlanerussuteqartut siunnersuutigissavaat, ullormut oqaluuserisassap normu 140-p nanginneqarnissaa, Siumut sinnerlugu, Jens Immanuelsen taama siunnersuuteqarpoq.

Illuatungiliuttut tatiginninnginnermik taasititsinissaraluata amerlanerussuteqartunit isumaqataaffigineqarani qaangiinnarneqarnissaa siunnersuutigineqareersorlu, Naalakkersusisut siulittaasuat Aleqa Hammond ima oqarpoq:

- Ajornartorsiuk qaangiinnarneqarsinnaanngilaq Naalakkersuisut allallu tunuarnerinnaasigut. Ajornartorsiut qaangerneqarsinnaavoq akisussaassusermik tigusinikkut. Inuiaqatigiinni ajornartorsiutinik aaqqitassaqarutta siuttoqartariaqarpugut akisussaaffimmik tigusisinnaasumik.

- Akuersaanngilara inuiaqatigiinni pissaanermik atornerluineq. Eqqaasitsissutigissavara, inerniliinianngilanga Inatisartut Kukkunersiuinermut ataatsimiititaliaata inerniliinissaq tamakkiisoq tigumminnagu, Naalakkersuisut siulittaasuat, Aleqa Hammond taama oqaluttarfimmit oqaaseqartoq akillugu, Inuit Ataqatigiit politikkikkut oqaaseqartartua, Aqqaluaq B. Egede ima qisuariarpoq:

- Inatsisartut Kukkunersiuinrmut ataatsimiititaliaata inatsisilerituullu takutippaat inatsimmik unioqqutitsisoqarsimasoq. Inatsisartuni sulisinnaanngilagut eqqissilluta, illit Naalakkersuisut siulittaasuattut akisussaaffimmik tigusillutik tunuanngikkuit.

- Aatsaat eqqissilluta sulisinnaavugut, inatsisit malillugit unioqqutitsisoq tunuarpat, Inuit Ataqatigiit politikkikkut oqaaseqartartuat, Aqqaluaq B. Egede taama oqarpoq.

ALEQA HAMMONDIP ATORNERLUISIMANERA PILLUGU ALLAASERISAT

AAMMA ATUARUK Aleqa Hammond tatigineqarpoq

AAMMA ATUARUK Akerliussutsimik takutitsisut: Naammaleqaaq! Naammaleqaaq!

AAMMA ATUARUK IA: Assortorneqarsinnaanngitsumik Naalakkersuisut siulittaasuat inatsisinik unioqqutsitsivoq

AAMMA ATUARUK Kuupik: Pisup taamatut kinguneqartinnissaa pissusissamisuuinnarpoq

AAMMA ATUARUK Kuupik V. Kleist Inatsisartunit tunuarniuteqarpoq

AAMMA ATUARUK Naalakkersuisunik allannguinerit pingajussaat

AAMMA ATUARUK Illuatungiliuttut: Aleqap atornerluisimanera Inatsisartut oqaluuserisariaqarpaat

AAMMA ATUARUK Immikkut ilisimasalik: Jeremiassen marlunngorpat aalajangiisuussaaq

AAMMA ATUARUK Krusep akiligassaqarsimaneq ”akueriumanngilaa”

AAMMA ATUARUK Aleqa Hammondimik tatiginnikkunnaarnermik ersersitsisoqarnissaa Kristian Jeremiassenip siulittuutigaa

AAMMA ATUARUK Ukiortaami angalanerminut atatillugu akiitsoqarnini Kuupiup nassuerutigaa