Aleqa Hammond tatigineqarpoq
Siumumi siulittaasuusimasoq maanna Partii Naleqqami siulittaasuusoq, Hans Enoksen, Naalakkersuisut Siulittaasuannut Aleqa Hammondimut tatiginnikkunnaarnermik taasisitseqqusilluni ualimut piumasaqarpoq.
Aleqa Hammond, Lars Emil Johansen
Allattoq Jonas Løvschall-Wedel, Jens Thorin
septembarip 30-at 2014 18:04
Nutserisoq Tikaajaat Kristensen
Kisianni amerlanerussuteqartut tatiginngikkunnaanngillat.
Aleqa Hammond suli amerlanerussuteqartunit, tassa Naalakkersuisoqatigiinnit Inatsisartuutitaanillu, amerlanerusuteqartunit 15-init tatigineqarpoq. Illuatungiliuttullu 14-iullutik ikikinnerussuteqartut.
Taama taasititsineq pivoq, Aleqa Hammondip sulinngiffeqarallarnissamik qinnuteqaataata suliarineqarnerani, aatsaaqqinnaaq naammassisumi.
Naalakkersuisut Siulittaasuata Nunatta karsianit aningaasanik atornerluisimanera pillugu apeqqarissaartoqassaaq, tamannali Aleqa Hammondip sulinngiffeqalerami ilaaffigissanngilaa.
