Umiatsiarlusi Paakitsumi erngup nukissiorfiliorneq alakkarsiuk
Nukissiorfiit Ilulissat avannaanni Paakitsumut inunnik sapaatip-akunnerata tulliani sapaammi qaaqqusipput. Erngup nukinganik Paakitsumi innaallagissiorfik nutaaq maanna sananeqaleruttortortoq Islandimi suliffeqarfik Istak peqatigalugu takutinneqassaaq.
Nunap iluanut takornariartoqarsinnaassaaq, innaallagissap aqqutissaasa nunap iluani init inissisimaneri takuniarneqarsinnaassammata.
Siumulli utimullu angalanissaq inuit namminneq isumagissavaat, Paakitsumulli apuutereernermi bussinik biilinillu ingerlatsisoqarumaarpoq.
Sapaammi juulip ulluisa 24-anni pisussamik aaqqissuussisoqarpoq, tassa Paakitsumi innaallagissiorfik kikkunnilluunniit ulloqeqqaniit ualikkut nalunaaqutaq sisamat tungaannut alakkarterneqarsinnaagami.
Nerisassanik imeruersaatinillu sassaalliisoqarumaarpoq. Paakitsumi kantiinami sandwichinik kaaginillu sassaalliisoqassagami, soorlu aamma kaffillertoqarlunilu sodavandinik sassaalliisoqassasoq.
Erngup nukinganik innaallagissiorfimmi kaavittup (turbine) aappaagu novembarimi misiliutaasumik ingerlatinneqarnissaa ilimagineqarpoq, innaallagissiorfiullu tamakkiisumik 2013-imi atorneqarlernissaa ilimagineqarluni.
