Angut 29-nik ukiulik pasinartumik toqusoqarneranut atatillugu suliami tigusarineqartoq

Sisamanngornerup ullaassaani Nuummi inissiami inuup toqungasup siumorneqarnerata kingorna angut 29-nik ukiulik sisamanngornermi unnukkut eqqartuussivimmi sassartinneqarpoq.

Allattoq Nicole Sander Bertelsen

aggustip 08-at 2025 04:59

Nutserisoq Tabetha Kreutzmann

Nuummi najukkami Kalaallit Nunaata Politiivi sisamanngornermi ulloq tamaat assiaqutseeqqapput.

Sisamanngornerup ullaassaani sumiiffimmi inummik toqungasumik nalunaaruteqartoqarsimanera assiaqutsiinermut pissutaavoq.

Taama politiit sisamanngornermi unnukkut tusagassiuutinut nalunaaruteqarput, angullu 29-nik ukiulik tigusarineqarsimasoq Sermersuup Eqqartuussivianullu sassartinneqarsimasoq aamma allapput. Angut qaqugukkut tigusarineqarsimanersoq politiit oqaatiginngilaat, sisamanngornermili unnukkut tigusarineqarsimagunarpoq, maannalu ulluni 28-ni tigummigallarneqarluni.

- Pissutsit atuuttut pissutigalugit maannamullu misissuinerit tunngavigalugit suliaq pasitsannartumik toqusoqarsimaneratut politiit misissuleruttorpaat, politiit tusagassiuutinut nalunaarummi allapput.

Pisimasoq pillugu oqaaseqaqqissinnaanatik, tusagassiuutinut nalunaarummi naggasiipput.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.