Arsaannermi sungiusaasumik isumaqatigiissummik sivitsuinermi: Sungiusaasuunerinnaanngilaq
Arsaaffimmi pisut kisimik aalajangiisuunngillat kalaallinut arsaattartunut nuna tamakkerlugu sungiusaasunermik Morten Rutkjærip sivitsuinerani. Kattuffissornermi aamma tamaviaartoqarpoq kalaallit nunani tamalaani peqataanerat annertusarniarlugu.
Morten Rutkjær 2019-mi nuna tamakkerlugu sungiusaasunngornermi kingorna nunanut allanut unammisartut pikkorissusaannik qaffassaaniarpoq
- Kingullermik katersuukkatta tamanna uppernarsivara tassani Silkeborgip Superligami paarlatsissamaattaannut Sydslesvigillu nunanut allanut unammisartuinut unamminitsinni, Morten Rutkjær KNR-mut oqarpoq.
- Tassani naligiillutalu ajugaavugut. Taamaattumik oqarpunga: Ukorsiiaa. Suli annerusumik pisoqarsinnaavoq.
- Tassani aalajangerpunga nuna tamakkerlugu sungiusaasutut suli ukit arlaqarnerusut ingerlaqqikkusullunga tunniussassaqartutut misigigama. Ilorraammi tungaanut ingerlavugut, Morten Rutkjær oqarpoq.
Taanna aamma KAK-mi suleqataavoq torsuusatigoorgumik kalaallit nunat tamalaat kattuffiannut ilanngutsinniarneranni.
Suli pisussaqarpoq
Amerikap avannaani Caribiamilu arsaattartut kattuffissuannut Concacafimut ilaasortanngorniarnermi kalaallit itigarput – sulili nunani tamalaani ilaasortanngorniarneq uninngilaq.
- Suli ilungersuuteqassaagut. Aaqqiissutissanik ujarlissaagut Kalaallit Nunaatta inissisimaffissaa pillugul Morten Rutkjær oqarpoq.
Oqaloqatigiinnerit aamma ingerlapput silami arsaannerup sivitsorneqarnissaa imaluunniit aasaanerani unamminerit amerlinissaat pillugu.
- Arsaattarneq suli inerisarusupparput ilaatigut unammersuariaatsip iluarsartuuteqqinneratigut, Morten Rutkjær oqarpoq periarfissat suussanersut taanngikkaluarlugu.
Silami arsaannermi nunanut allanut unammisartut katerinnissaaat tulleq pillugu piareersalereerpoq ilimanarmat nunanut allanut unammisoqassasoq.
- Oktoberimi Østrigiliassaagut tassanilu Sloveniamiut aamma Østrigip akissarsiutiginagu unammisartuinut unammissaagut, Morten Rutkjær oqarpoq.
Unamminerit ukiup kaajallakkiartornerani ingerlaavartinniarneqarput pikkorissiartorneq ingerlatiinnarumallugu.
