Tyskeq nannumit Svalbardimi saassutsittoq
Angut tyskeq 40-t sinnerlugit ukiulik nannumit Svalbardimi arfininngormat saassunneqarpoq, aniguillunili.
AAMMA ATUARUK Ataataq nannumit saassunneqarluni toqusoq
Nannumit saassunneqarnerminit ajoqusertoq isumannanngitsorli oqaatigineqarpoq, Norgellu nunavittaani napparsimmavimmukaanneqarluni.
Nanoq toqutaareerpoq.
Angut ajoqusertoq tyskit takornariartaataanni "Bremen"-imi inuttaasoq, Svalbardimi sysselmandip oqaaseqartartua paasissutissiivoq.
AAMMA ATUARUK Nannunik qanillattortoqartarnera toqqissisimatsinngitsoq
Takornariat Svaldbardimi Parrøyami takusassarsiorneranni saassutsippoq.
Qanoq pisoqaqqissaarsimanera suli ersernerluppoq, kiallu nanoq aallaaneraa politiit suli paasinngilaat.
Angut saassunneqaqqammerluni umiarsuarmut takornariartaammut qulimiguullip annaassiniartartunik ilaasullip takkunnissaata tungaanut passutsippoq, tamatumalu kingorna Svalbardip illoqarfiisa pingaarnersaanni Longyearbyeni napparsimmavimmukaanneqarluni.
AAMMA ATUARUK Piniarnermut nakkutilliisoq nannumit saassunneqangajalluinnartoq
Tassanngaanniillu napparsimmavimmut annerusumut passutsikkiartorniarlugu Norgep nunavittaanukaanneqarpoq.
- Ajoqusertoq ingasanngitsumik ajoquserpoq isumannarnanilu. Norgip avannarpasissuani Tromsømi Universitetssygehusimut angallanneqassaaq, norgep avannarpasissortaani napparsimmavimmi tusagassiinermut akisussaasoq NRK-mut oqarpoq.
/ritzau/NTB