Nunavut Ataataq nannumit saassunneqarluni toqusoq

Canadami nunap immikkoortuani Nunavummi angut 31-nik ukiulik nannumik saassuneqarnermi kingorna toquvoq, Nunatsiaq News taama allaaserisaqarpoq.
Assi © : Friscocali/Flickr Creative Commons
Allattoq Jonas Fievé
juulip 05-at 2018 08:51

Angut taanna meeqqani ilagalugit,  mannissartillutik saassunneqarpoq, tamannalu pivoq qeqertami Kivallermi, Sentry Islandimi,  illoqarfimmit Arviamit 10 kilometerisut ungasitsigisumi.

Angutip toqutaasup qanigisai, Nunatsiaq  Newsimut oqaluttuarput,  angutip meeqqani annaanniarlugit nannup saavanut pisimalluni, taamaalineranilu saassuneqarsimasoq.  

AAMMA ATUARUK Piniarnermut nakkutilliisoq nannumit saassunneqangajalluinnartoq

Angut taanna sakkulisarsimanngilaq, ikiligaanngatsiarsimaninilu pissutigalugu kingorna toqusimalluni. 

Hudsonip kangerliumarngani illoqarfimmi Arviatimi nannut nalinginnaasuugaluartut, piffissami sivitsortumi saassusssioqarnerata kingorna  toqusoqarpoq

Nannut illoqarfimmut qanillattortartut amerlisimanerat illoqarfimmiunit ernummatigineqarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk