Panimi unamminerani malinnaasoq: Tulluusimaarutigeqaara

Kalaaleq 17-inik ukiulik Ukaleq Slettemark, kalaallini siullersaanni nunarsuarmi inuusuttut Slovakiami unammiuaarneranni pissartanngorpoq.

Slovakiami sisoraaserluni nunarsuarmi pissartanngorniuttoqarnerani Ukaleq Slettemark inuusuttut unammiuaarneranni pissartanngorpoq.

Ukaleq Slettemarkip arnaa Uiloq Slettemark panimi unamminerani malinnaavoq, panialu pissartanngorluni apuummat Uiloq Slettemarkip tulluusimaarutigeqaa:

- Tulluusimaarutigeqaara. Misigisaq nuanneqaaq. Inuiattullu erinarsuut appimmat assut pikkunarpoq. Erinarsuut appimmat qialerpunga, pikkunaqaaq, Uiloq Slettemark oqarpoq.

AAMMA ATUARUK Ukaleq Slettemark nunarsuarmi pissartanngorpoq

Uiloq Slettemark naartulluni siornatigut unammeqataasarsimavoq:

- Sisoraaserlunga ooqattaasarnermi world cupertoqarnerani, nunarsuarmilu pissartanngorniunnerni Kalaallit Nunaannilu pissartanngorniunnerni naak naartugaluarlunga peqataasarpunga. Maluginiartarpara, arlaannillu ajortoqalersimagaluarpat soorunami uniinnarsimassagaluarpunga, kisianni ilaatigut ingerlalluartarpunga, panigalu imaassinnaavoq taama pillugu oqilasuunngortoq, Uiloq Slettemark oqarpoq.

Nunarsuarmi pissartanngornerup kingorna qanoq pisoqassanersoq siunissap takutikkumaarpaa. Uiloq Slettemarkip panimmi nunarsuarmi pissartanngornera maanna nuannaarutiginiarpaa:

- Kalaallit Nunaat sinnerlugu tulluusimaarutigaara inuusuttut akornanni nunarsuarmi pissartanngortoqarmat, allanit ikiorneqarnata nammineq tamanna angusinnaagatsigu tulluusimaarutigeqaara, Uiloq Slettemark, KNR-imut taama oqarpoq.

AAMMA ATUARUK Ukaleq Slettemark nunarsuarmi pissartanngorniunnermi peqataavoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat