Ukaleq Slettemark nunarsuarmi pissartanngorpoq
![](/sites/default/files/styles/image_934x467/public/article_images/ukaleq_nm_start_0.jpg?itok=xkqrr_g7)
![Ukaleq Slettemark](/sites/default/files/styles/image_934x467/public/ukaleq_3.jpg?itok=imVjp-2x)
Ukaleq Slettemark 10 kilometeritut isorartutigisumik ullumi ingerlaaqataavoq, sisamariarlutillu ooqattaasarnermi uniunngiivilluni pissartanngorpoq.
- Misigisaq pikkunaqaaq, upperisinnaanngingajappara. Misigisaq immikkuullarilluinnarpoq, Ukaleq Stellemark oqarpoq.
Inuusuttup sisorartartup katillugit 31 minutsit 49 sekundillu ingerlaareerluni apuuppoq, 2-nngortumit Tereza Vobornikovamit minutsimik ataatsimik sekundinillu 14-inik sukkanerulluni.
- Ajugaanissanut neriuuteqalaarsimavunga, ajugaagamali tupaallarujussuarpunga.
Siorna taama aamma isorartutigisumik unammiuaarnerni Ukaleq Slettemark normu 27-nngorpoq.
- Qasujaannerujussuullunga misigivunga, ooqattaasarnermilu eqqissisimalluarluni. Taakku ataqatigiisilluaraanni iluatsittarpoq, Ukaleq Slettemark unammereernerata kingorna KNR-imit oqaluukkatsinni taama oqarpoq.
Nutartigaq nal. 13:40. Ukaleq Stettemarkip apersorneqarnera allaaserisamut ilassutaapput.