Assi: Grønlands Biathlon Forbund

Ukaleq Slettemark nunarsuarmi pissartanngorniunnermi peqataavoq

Kalaaleq sisoraaserluni ooqattaasartartoq Ukaleq Slettemark, inuusuttut Slovakiami nunarsuarmi pissartanngorniunneranni sapaatip-akunnerata naanerani peqataassaaq.

Ukaleq Slettemark ukioq manna unammiuarnerni aallartilluarpoq, inuusuttut Norgemi Norges Cuppenimi unammiuaarneranni siullerni marlunni normu 1-itut normu 2-tullu inissikkami.

Sapaatiuppat 10 kilometeritut isorartutigisumik ingerlaassapput, sisamariarlutillu ooqattaasassallutik. Siorna taama aamma isorartutigisumik unammiuaarnerni Ukaleq Slettemark normu 27-nngorpoq.

Kalaallit Nunaanni sisoraaserlutik ooqattaasartartut kattuffiat tusagassiuutinut taama nalunaaruteqarpoq.

AAMMA ATUARUK Ukaleq Slettemark Norgemi siuttuusoq

6 kilometeritut isorartutigisukkut februaarip aallaqqaataani taava unammisoqassaaq, 7,5 kilometeritullu isortartutigisumik ingerlaarlutik tulleriiaallutik februaarip ulluisa pingajuanni aallartinneqartassallutik. Ukaleq Slettemark siorna taama unamminermi normu 4-tut inissippoq, aatsaat taama angusarissaartigaluni.

Ukaleq Slettemark Youth-imik taaguutilimmi peqataasarpoq, tassa ukioq 2000-imi kingusinnerusukkullu inunngorsimasut akornanni unammeqataasarluni.

AAMMA ATUARUK Ukaleq Slettemark nunarsuarmi pissartanngorniunnermi peqataarngaassasoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat