Ukaleq Slettemark nunarsuarmi pissartanngorniunnermi peqataarngaassasoq
Nunarsuarmi pissartanngorniuunnermi unamminermi siulleq 10 kilometerinik isorartutigisumut ujakkaariarluni sisamariarluni ooqattaasartoqarpoq.
Unammineq aallartimmat ingerlalluarpasikkaluarpoq, tassa ooqattaasarnermi siullermi normu 7-itut inissimmat. Ooqattaasarnerilli tullii pingasut tamarmik uniarfigigamigit naggataatigut normu 27-itut inissipoq.
AAMMA ATUARUK Ukaleq Slettemark Norge Cuppimi siuttuuvoq
Nunatsinni Biathlonertartut Kattuffiat naapertorlugu 16-inik ukiullip, Ukaleq Slettemarkip nunarsuarmi pissartanngorniunnermi peqataasuni 16-iniit 18-inut ukiullit akornanni nukarlerpaat ilaanniilluni angusaa kusanarluinnarpoq.
Ukaleq Slettemarkip takutitsinini ilorrisimaarutigaa, unammereernerminili sukkassutsini annertuallaamik takorloorsimanerarpaa taamaammallu oqimaniunnermi qerataliaarpallaarluni, nunatsinni Biathlonertartut Kattuffiat allappoq.
AAMMA ATUARUK Ukaleq Slettemark Italiami angusarissaartoq
Ujakkaartartoq tulliani tallimanngorpat arfininngorpalluunniit unammeqqissaaq, tassani sprintimik unammissapput, inuusuttullu ujakkaarluni ooqattaasartup sapaatiuppat unamminissamut annguttussat 60-it akornanniinnissaa naatsorsuutigineqarpoq.
