Timersorneq

Ukaleq Slettemark Italiami angusarissaartoq

Sisoraaserluni ooqattaasartartoq inuusuttunnguaq Ukaleq Slettemark, kusanarluinnartumik angusaqaqqippoq. Europamimi juniorit pitsaanerit akornanni normu 11-tut maanna inissisimalerpoq.

Allattoq Thomas Munk Veirum

decembarip 19-at 2017 07:26

Nutserisoq Simon Uldum -

Ukaleq Slettemark Østrigimi IBU Biathlon Cupimi sapaatit akunneranni kingullermi unamminermi normu 18-inngorpoq, Italiamilu Rudnaunimi sapaatit akunnerata naanerani unammigami normu 11-nngorluni.

- Ukaleq normu 11-nngornermigut Europami sisoraaserluni ooqattaasartartut juniorit pitsaanerit akornanniilerpoq, Nunatsinni Biathlonertartut Kattuffiat tusagassiorfinnut nalunaaruteqarluni taama allappoq.

Ukaleq Slettemarkimit sukkanerusut tamarmik 19-inik 20-nillu ukioqarput, sisoraaserlunilu ooqattaasarnermi nunanit siuttunit Tysklandimit, Ruslandimit Italiamiillu peqataasuullutik.

AAMMA ATUARUK Sisoraaserluni ooqattaasartartoq nuummiu angusarissaarluartoq

- Kalaaleq 16-iinnarnik ukiulik nunanit taakkunaneersunut nallersuulluarsinnaanera unammisartullu 75-it qimakattarsinnaammagit angusaavoq assut kusanartoq, biathlonertartut kattuffiat taama allappoq.

Unammiffiusoq 12,5 kilometerinik isorartutigivoq ooqattaasarfissallu sisamaallutik. Ukaleq 20-riarluni ooqattaasarnermini ataasiaannarluni uniorpoq. Ooqattaasarnermi Ukalermit pikkorinnerusut marluinnaapput.

Ajugaasoq Italiameersoq 2,16 minuttinik inorlugu Ukaleq apuuppoq, unammisaqattaarnermilu maanna normu 18-itut inissisimalerluni.

Ukaleq Slettemark Italiami angusarissaartoq

Aamma atuaruk