Ukaleq Slettemark Norge Cuppimi siuttuuvoq
Tamanna angusarissaarnerpaaniinngitsoorneranik kinguneqarpoq, 16-inilli ukiulik sisoraaserluni oqqattaasartoq Norge Cuppimi suli siuttuuvoq.
Ukaleq Slettemark Norgemi sisoraaserluni ooqattaanermi unammersuaartoqarnerani ataatsimut aallartinnermi normu 5-inngorpoq, kingusinnerusukkullu sukkaniuunnermi 8-nngorluni.
Nunatsinni Biathlonertartut Kattuffiat naapertorlugu angusarissaarnerpaaniinnissaanut, Norge Cuppenimilu januaarimi normu 2-tut inissinnissaanut neriuuteqaraluarpoq.
AAMMA ATUARUK Ukaleq Slettemark Italiami angusarissaartoq
Sapaatilli akunnerata naanerani ooqattaasarluni unammersuaarnermi iluatsitsiffiuvallaanngilaq. Ataatsimut aallartinnermi aallaanernit 20-nit sisamariarluni uniorpoq, sukkaniuunnerullu quleriarluni ooqattaanertaani sisamanik aamma uniorluni.
Sukkassusaali ajunngilaq tamannalu normu 8-nngornissaanut ilaatigut qulakkeerissutaaqataavoq, Nunatsinni Biathlonertartut Kattuffiat allappoq.
AAMMA ATUARUK Ukaleq AWG-mi ooqattaalluni siuttunngoqqippoq
Norge Cuppili iluatsitsilluarneruvoq, tassani unamminermi ujakkaarnerit arlaqarput. Ukaleq Slettemark unamminermi uani siulliuvoq, taamaammat siuartup tujuuluanik sungaartumik atugaqarpoq.
Siuarsimasutut inissisimanera cuppimi unamminerit aallartinneranni angusaanit aallaaveqarpoq. Cuppimi ujakkaarnerni sisamaasuni inuusuttoq piginnaasaqarluartoq normu 1-itut, 2-tut, 5-itut 8-tullu inissisimavoq.
Estlandimi februaarip 26-aniit marsip sisamaanut Junior VM-ertoqarnerani peqataanissaq,
Ukaleq Slettemarkip unammilligassaata tulleraa.