Assi: Arnaq Nielsen

Ida Heinrich pillugu aallakaatitassiaq nutaaq: - Toqu ammasumik eqqartussallugu pingaaruteqarpoq

Nunatsinni operamik erinarsortartut siullersaata Ida Heinrichip piartulernera pillugu aallakaatitassiami "Toqqorpara Uummatinnut"-mi oqaluttuarineqarpoq. Toqu ammasumik oqaluuserissallugu pingaaruteqartoq, aallakaatitassiani aaqqissuisoq isumaqarpoq.

Inuunermini nammataa imaannaanngitsoq, sorraatsoq. Qujamasunnerli akuersaarnerlu iluminiitippai. Tamanna aallakaatitassiani nutaani takuneqarsinnaavoq. 

Ida Heinrichip napparsimanerani piffissaa kingulleq aallakaatitassiani malinnaaffigineqarpoq. 

- Nappaatiminut isiginninnera eqqissisimanerujussuuvoq taavalu imatut nikallujanani, soorunalimi nikallorfeqartarpoq kisianni akuersaarneq, maniguunneq taavalu 'allatut ajornaqaaq taamaappoq, taava tassanngaanniit ingerlariaqqissuugut' taamatut eqqarsartarnera taavalu aamma toqunissaminut piareersarnera, Ida Heinrichip ikinngutaa aallakaatitassianilu aaqqissuisuusoq Arnaq Nielsen oqarpoq.

AAMMA ATUARUK Operasanger Ida Heinrich er død

Nunatsinni operartartuni siulleq Ida Heinrich nappaammik kræftimik napparsimangaatsiareerluni februaarip 15-iani eqqissivoq. Tamannalu inuiaqatigiinnit tusagassiorfinnillu maluginiarneqaqaaq.

Tassami Ida:

-  Inuppalaartuuvoq, nuannersoq, oqittoq ilagalugu. Taavalu sunik tamanik eqqartueqatigisinnaasaq, imatut paqumigisaqarani killilersornaniluunniit.

Toqu ammasumik eqqartussallugu pingaaruteqartoq, aaqqissuisup oqaatigaa. 

- Qanigisamik toqusoorluni annernartuuvoq. Kisianni eqqartorsimagaanni oqinnerusutut ippoq akueriuminarnerulluni. Taamaattumik isumaqarpunga immaqa amerlanerusut taanna piareersarfigisinnaagaat. Napparsimasut inuilluunniit allat isumassarsiorfigisinnaagaat aamma toqup qanoq eqqartorneqarsinnaanera.

Aallakaatitassiat tallimaasut ataasinngornerit tamaasa KNR TV-kkut isiginnaarneqarsinnaapput. Immikkoortoq siulleq unnugu nalunaaqutaq qulingiluanut KNR-ikkut takutinneqassaaq. 

 

Ida Heinrich aamma Arnaq Nielsen

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat