Tjekkiami napparsimmavimmi aallaasersortoqarnerani arfinillit toqutaasut
Tjekkiami Ostravami napparsimmavimmi allaasersortoqarnerani inuit arfinillit toqutaapput. Tjekkiamiut peqqinnissamut ministeriat taama paasissutissiivoq.
Napparsimmavimmi aallaasersortoq tigusarineqanngimmat politiinit ujaarineqarpoq, politiit Twitterikkut allapput.
Aallaasersortup pinerluuteqarfigineqartut aalajangersimasuunersut imaluunniit aallaaneqartut taamungaannartumik eqqorneqarnersut politiit paasissutissiineranni ersinngilaq.
- Politiit Ostravami napparsimmavimmi aallaasersortoqarneranik nalunaarfigineqarput. Politiit aallaasersorfiusumut ornigupput inuillu qimagussortinneqarlutik, politiit twitterikkut allapput.
Toqutaasut saniatigut allat marluk ikilerneqarsimasut nalunaarutigineqarpoq, politiit oqartut nutaarsiassaqartitsivik, AFP allappoq.
Aallaasersortoqarnerani marlunngornermi ullaakkut arfineq-marlunut pivoq.
Ostrava Tjekkiap avannaani kangisissumiippoq, Tjekkiamilu illoqarfiit annerpaasa pingajoralugu.
