TB pillugu Tasiilaq misissuiffigiartorneqarpoq
Tassanilu Nunatsinni sakialluutip qanoq pinaveersaartinnissaanut, naappaammik suussusersiniaaneq akiuiniarnerlu ilisimatuunik misissorneqassaaq.
Suleqatigiit Peqqissutsimut Naalakkersuisoqarfimmit, Nunatta nakorsaaneqarfianit, Peqqinnissamut isumaginnittoqarfimmit, Statens Serum Institutimit, Dansk Lungeforeningimit, aammalu Nunarsuaq tamakkerlugu peqqinnissaq pillugu suliniuteqarfimmeersunit peqataaffigineqarpoq.
Aamma atuaruk Doris: WHO-p TB-mut akiuinitsinnik ikiussavaatigut
Nunarsuaq tamakkerlugu suliniuteqarfiup nunatsinnukarnissaa peqqinnissamut naalakkersuisup Doris Jakobsenip sulissutigisimavaa. Sakialluutillu qanoq imaannaanngitsiginera, Doris Jakobsenip erseqqissarpaa:
- Tuberkulose pillugu pissutsit imaannaanngillat. Tuberkulosertut suli amerlapput ajoraluartumillu ukiut kingulliit qulit kisitsisit annerusumik allanngorsimanngillat, Doris Jakobsen allappoq, nangillunilu:
- Tuberkulose pillugu aaqqissuineq ukioq manna qaangiuttussaavoq, pilersaarusiornissarlu tulliuttoq pillugu ilisimasallit innersuussutissaat pisariaqarput, ukiap ingerlaneranilu allattorneqarsimassallutik. Qilanaarutigaara ilisimasallit qanoq innersuussuteqarumaarnersut.
Aamma atuaruk Tuberkulosimik nappaatillit amerlavallaarput
Nunarsuaq tamakkerlugu peqqinnissaq pillugu suliniaqatigiiffik TB-lu pillugu ilisimasallit allat Nunatsinnut 2010-mi aamma tikeraarput. Tikeraarnerlu kingunerisimavaa TB pillugu akiuniarnermi innersuussineq, maannakkut akiuniarnermi ukiuni 2012-imit 2016-imut tunngaviusut.
Maannamut suut pisaasimanersut suullu pitsanngorsagassaanersut naliliinissaq pisariaqarpoq.
Suleqatigiit Tasiilamut, Kulusummut, Nuummut aammalu Aappaluttup eqqaani Rubinisiorfimmut tikeraassapput.
Aamma atuaruk Tuberkulosemut akiuussutissaq ilisimagisamit pitsaanerusoq
Soqutiginnittut suleqatigiit malinnaaffigisinnaavaat, Twitter aamma Facebook aqqutigalugu, WHO ullut tamaasa suliatik saqqummersittalerpatigit.
Tuberkulose nappaataavoq tuberkelbakteriamik taaneqartumik peqquteqartumik tuniluuttartoq. Nappaat antibiotikanik assigiinngitsunik katsorsarneqarsinnaavoq. Tuberkulose pillugu peqqik.gl-imi annerusumik paasisaqarsinnaavutit.