Tasiilami akiliisinnaajunnaartup pigisai Sermersuup pisiarigai
![](/sites/default/files/styles/image_934x467/public/article_images/viking_greenland.jpg?itok=ngWODpCy)
Suliffeqarfik akiliisinnaajunnaarnermini Tasiilami sanaartukkat arlallit ingerlappai. Taamaammat Tasiilami ulluunerani paaqqinnittarfissap aammalu inissiat qulit sanaartorneqarnerat naammassineqarsinnaanngilaq.
Kommuneqarfik Sermersuup naliliinera naapertorlugu, ulluunerani paaqqinnittarfissaq sanaartorlugu naammassineqanngitsoq ima nukingernartigaaq akisussaaffiup kommunimit erngertumik tiguneqarnissaa allaqqunneqarsinnaanani.
Aamma atuaruk Viking Greenlandip akiliisinnaajunnaarnera akileraartartunut akisusinnaavoq
Aamma atuaruk Tasiilami akiliisinnaajunnaartoqarnerani Sermersooq suliniuteqalersoq
- Tasiilami taamatut inissisimasoqarnera immikkorluinnaq ittuuvoq. Illoqarfiup entreprenøritut suliffeqarfituaata akiliisinnaajunnaarnera aningaasatigut inunnullu kingunerlutsitsivoq ajoraluartumillu Tasiilami pissutsinik erloqinartunik allanik malitseqarnissaa aarlerinarsilluni. Taamaammat sukkasuumik iliuuseqarpugut.
Pisut qanimut malittarivagut aammalu inissisimanermit taama erloqinartigisumit attuumassuteqartut sapinngisamik ajunnginnerpaamik qaangiinissaannut iliuusissat pisariaqartut aallartisarlutigit, Kommuneqarfik Sermersuumi borgmesteri Asii Chemnitz Narup (IA) taama oqarpoq.
Kommunilli erseqqissaatigaa Viking Greenlandip akiliisinnaajunnaarnermi pigisai tamakkerlugit Kommuneqarfik Sermersuumit pisiarineqaraluartut, suliffeqarfiup pineqartup suliassanik isumagisimasaanik ingerlatsinissaminik kommuni pilersaaruteqanngitsoq. Suliassat taakku kimit isumagineqalissanersut tusagassiorfinnut nalunaarummi ilisimatitsissutigineqanngilaq.
Aamma atuaruk Venture Greenland akiliisinnaajunnaarneq pillugu: Piginneqataassutigut annaavagut
Aamma atuaruk Tasiilami sanaartornermik suliffeqarfik akiliisinnaajunnaarluni matuvoq