Venture Greenland akiliisinnaajunnaarneq pillugu: Piginneqataassutigut annaavagut

Pisortaq Karsten Høy oqaluttuarpoq Viking Greenland piffissami kingullermi ingerlalluarpallaarsimanngitsoq, aningaasanillu amigaateqarsimasoq, Greenland Venturelu taamaallaat ingerlatsinermut aningaasaliisuusinnaasimasoq.

- Tamannalu ingerlatiinnarsinnaasimanngilarput oqartariarlutalu tassa unitsittariaqarpoq, tamannalu ajuusaarutigaarput, tamannami naatsorsuutigisimanngikkaluarparput. Karsten Høy oqarpoq.

- Piginneqataassutigut qanoq iliorsinnaanngilagut, akiliisinnaajunnaarneratami kingorna piginneqataassutigut annaavagut, Karsten Høy taama oqarpoq.

AAMMA ATUARUK Tasiilami sanaartornermik suliffeqarfik akiliisinnaajunnaarluni matuvoq

Aningaasalersuinermilli suliaqarnermi atugassarititaasut ilagigaat aamma erseqqissaatigaa.

- Aningaasalersuinermik suliaqarnermi atugassarititaasurt ilagaat ingerlatseqatigiiffiit nalinginnaasumit nalorninartoqarnerusut sammineqarnerat.

Suliffeqarfiup Viking Greenlandip akiliisinnaajunnaarluni matunera pillugu Kommuneqarfik Sermersooq oqaaseqarsinnaanngilaq, akililisinnaajunnaarneq pillugu pisortatigoortumik nalunaarutigineqannginnera pissutigalugu.