Tasiilami sanaartornermik suliffeqarfik akiliisinnaajunnaarluni matuvoq
Akiliisinnaajunaartup pigisaanik aqutsisup Peter Schriverip nalunarutigaa, sulisartut akunnermusiallit 30-t missaannik amerlatigisut, akiliisinnaajunnaarluni nalunaarut ippassaq tunniunneqarmat angerlartinneqartut.
- Akiliisinnaajunartup pigisaanik aqutsisutut suliara siulleq tassaavoq sulisut akunnermusiallit 30-t allaffimmiullu soraarsinneqarnerat nalunaarutigisariaqarlugu, suliffeqarfik aningaasaateqanngimmat.
- Sulisut tamangajammik soraarsinneqarput sanaartukkallu maanna sulliarineqartut unitsinneqarlutik, Peter Shriver KNR-imut oqarpoq.
Akiliisiinnaajunnaarnermik nalunaarutiginninnermi suliffeqarfiup suliai tamarmik unitsinneqarput.
Kommuneqarfik Sermersuup isumagisussanngorpai
Tamatuma kingunerissussanngorpaa, sanaartukkat maanna suliarineqartut, tassalu meeqqerivik 88-inut inissaqartoq taassumalu eqqakkanut aqqutissaanut suliaq, illuliarineqartut qulit aamma inissiat aserfallatsaalineqarnerat unitsinneqarnerat.
Suliffeqarfiup akiliisinnaajunnaarluni matunerata kingorna sanaartukkat suliallu ingerlanneqartut Kommuneqarfik Sermersuumit isumagineqalissapput, Peter Shriver KNR-imut oqarpoq.
- Suliat sanaartukkallu maanna suliarineqartut Kommuneqarfik Sermersuup akisussaaffigilertussaavai. Sanaartukkat suliallu killiffiat piaartumik paasiniassavarput, taamaalilluni kommunip suliariumanittussarsiussavai sanaartukkat suliarineqartullu arlaatigut naammassillugit, Peter Schriver oqarpoq.
Suliat nanginneqarlutik sanaartortitsisartunit allanit naammassineqarnissaat kommunip isumagisussaavaa, akiliisinnaajunnaaartup pigisaanik isumaginnittoq Peter Schriver oqarpoq.
