Viking Greenlandip akiliisinnaajunnaarnera akileraartartunut akisusinnaavoq
Naak Kommuneqarfik Sermersooq, pisortani namminersortunilu akiitsoqarfiit aningaasarpassuarnik annaaseqareeraluartut Tunumi akiliisinnaajunnaartoqarneratigut aningaasat 10 millionit koruuninit amerlanerusut aamma annaaneqarsinnaapput.
Aamma atuaruk Tasiilami akiliisinnaajunnaartoqarnerani Sermersooq suliniuteqalersoq
Viking Greenlandip akiliisinnaajunnaarnera Namminersorlutik Oqartussanut ilimagisamit akisunerujussuusinnaavoq, Greenland Venture-immi aningaasaliinera eqqarsaatigissagaanni aningaasat annaaneqartut amerlanerusinnaammata.
- Suliat ingerlanneqartut pisussaaffiillu qanoq naammassineqassanersut annaasaqarnissatsinnut apeqqutaassapput. Annaasassallu 10 millionit koruuninit amerlanerunissaat ilimagisinnaavarput, Greenland Venture-ip pisortaa Carsten Høy AG-mut taama ilaatigut oqarpoq.
Greenland Venture-ip Viking Greenlandip taarsigassarsinerinut qularnaveeqqusiisimanera pissutaalluni akileraartartut annaasaqaataasa ilimagisamit amerlanerusinnaanerannut pissutaasut AG-p allaaseraa.
Aamma atuaruk Venture Greenland akiliisinnaajunnaarneq pillugu: Piginneqataassutigut annaavagut
Suliniutit angisuut naammassineqarsimanngitsut Viking Greenlandimit qimanneqarsimapput, Greenland Venture-ilu sanaartornernut taakkununnga aamma qularnaveeqqusiisimalluni. Taakku annaasaqaataanissaat aamma paasinarsinikuuvoq.
Greenland Venture sanaartorneqarsimasunut allanut naammassineqareersunut aamma qularnaveeqqusinikuuvoq, taakkulu aamma aningaasartuutaanissaat ilimagineqarluni.
Aamma atuaruk Tasiilami sanaartornermik suliffeqarfik akiliisinnaajunnaarluni matuvoq
Akiliisinnaajunnaartup pigisaanik akisussaasoq Peter Schriver Viking Greenlandip pigisaasa naatsornissaat pillugu Tasiilameqqammersoq AG-p allaaseraa, suliarlu suli ingerlammat akiitsoqarfiit piumasaat qanoq annertutiginersut suli naluaa.
