Tarnikkut katsorsaanermi pissutsit ataatsimiititaliap misissortikkusukkai
Tarnikkut napparsimasut nakorsaasa, Poul Bisgaarsip aamma Jesper Schouip Sermitsiami oqallissaarutimini Nunatsinni tarnikkut katsorsaaneq pillugu ernumanerat, politikerit taama kaammattuinerannut aallaaveqarpoq.
Pinngitsaaliissummik unitsitsisarnerit siorna 50-iupput, 2010-milu pingasuullutik. Kisitsisillu taama nikingatiginerat Nunatsinni tarnikkut katsorsaanermi isasoortoqarsimaneranut takussutissaasoq, tarnikkut napparsimasut nakorsaat marluk taama isumaqarput.
Mianersoqqusineralli peqqissutsimut naalakkersuisumit Doris Jakobsenimit eqqunnginnerarneqarpoq.
Aamma atuaruk Peqqinnissaqarfik kalaallisut oqaasilinnik sulisussaaleqiffiusoq
- Tarnimikkut napparsimasunut pissutsit pitsaanngitsut amerliartortut takusarparput, Agathe Fontain Sermitsiamut oqarpoq, tarnikkullu napparsimasut kalaallisut oqaluttumit katsorsarsarneqarunik pitsaanerpaajussasoq ilanngullugu oqaatigaa.
- Takorluuinnarsinnaavarput tarnikkut katsorsarneqarneq oqalutseqarluni qanoq innersoq, Agathe Fontain oqarpoq.
Aamma peqqissutsimut ataatsimiititaliami siulittaasup, Tillie Martinussenip, tarnip nappaataanut katsorsaanerup iluani pissutsit misissorneqarneqarnissaat pisariaqartissoraa.
Aamma atuaruk Tarnip nappaataannut nakorsaq: Sakkortuumik tarnimikkut napparsimasut sioorasaarinissaat pinngitsoortissinnaanngilarput
- Paatsuugassaanngitsumik ukiuni makkunani tarnikkut katsorsaanermi tarnimikkut nappaatilittavut paarilluarniarlugit ilungersortoqarpoq. Tamannalu nukissanik ikittuinnarnik pissaqarluni ingerlanneqarpoq, saniatigut sulisut ilinniarsimasut ikittuinnaallutik, taakkununngalu sulisut ilaat tikisinneqartariaqartarlutik, Tillie Martinussen oqarpoq.
Tarnikkullu nappaatillit katsorsarneqartarnerat aningaasaliiffiginerusariaqarnersoq, Martinussenip misissortikkusuppaa.
Tamannalu naalakkersuisoq aqutsisullu peqatigalugit ingerlanneqassaaq.
Aamma atuaruk VIDEO Tarnikkut naalliuuteqarnermi saaffiginniffissaaleqisartut
