Peqqinnissaqarfik kalaallisut oqaasilinnik sulisussaaleqiffiusoq

Nunatsinni tarnimikkut nappaateqartut innarluuteqartullu sullinneqarnissaannut nakorsanik, peqqissaasunik peqqinnissaqarfimmilu sulisunik allanik kalaallisut oqaaseqartunik amigaateqartoqarpoq.

Allattoq Charlotte Holten-Møller

februaarip 15-at 2016 10:39

Nutserisoq Jaaku Lyberth

Tamanna ajornartorsiutaavoq annertooq, Tarnimikkut Napaateqartut Qanigisaasa Peqatigiiffianni siulittaasoq, Esekias Therkildsen, oqarpoq.

- Nunatsinni tarnikkut nappaatilinnut aammalu innarluutilinnut sullissineq kalaallisut ingerlanneqarpat pitsaanerujussuarmik taanna angusaqarfigiusinnaasutut takorloortaratsigu, Esekias Therkildsen KNR-imut oqarpoq.

Aamma atuaruk VIDEO Tarnikkut naalliuuteqarnermi saaffiginniffissaaleqisartut

- Imaanngilaq suliaat ajormata, Esekias Therkelsen oqarpoq.

- Annertoorujussuarmik amigaateqarput maannakkut sullissisut nersortariarujussuarmik suliaqarput, kisiannili aamma ilisimasatigut ilinniakkatigullu qaffassarneqarnissaq aamma pisariaqartinneqartorujussuulluni, Tarnimikkut Napaateqartut Qanigisaasa Peqatigiiffianni siulittaasoq Esekias Therkildsen oqarpoq.

- Nappaatillip naatsorsuutigisariaqarpaa nammineq oqaatsini atorlugit sullinneqarnissani maani nunatsinni, Esekias Therkildsen oqarpoq.

Aamma atuaruk Tarnimikkut napparsimasut kommunit paaqqinniffiiniittut

Peqqissutsimut Naalakkersuisoqarfiup tarnimikkut nappaatillit pillugit nalunaarusiaani 2010-imi suliarineqartumi, Nunatsinni tarnimikkut ilungersornartumik napparsimasut 900-it missaannik amerlatigipput.

Taakkua saniatigut, tarnimikkut napparsimasut amerlassusaat ilisimaneqanngitsut tarnip pissusaannik ilisimasalinnit katsorsarneqanngitsunik ilaqarput, assersuutigalugu Nuummi nakorsiartarfimmi aamma sinerissami nakorsiartarfinni sullinneqartartut.

Nutaarsiassami kukkunermik nassaarsimaguit uunga allaffigineqarsinnaavugut.