PFA Soraarneq: Soraarnerusutisiassallit ernummatissaqanngillat

Danmarkimimi Aningaaserivinnik nakkutilliisoqarfiup PFA Soraarnermi katersat Danmarkimut PFA Pensionimut nuunneqarnerpata, sullitat ajornerusumik atugaqalinnginnissaat qulakkeeqqavaa.

PFA Soraarnermi pisortaq taama oqarpoq.

- Nuussinermi Aningaaserivinnik nakkutilliisoqarfik nakkutilliissaaq, katersisimasullu ajornerusumik atugaqalinnginnissaat qulakkeertussaavaa, Pisortaq Lis Hasling oqarpoq.

Taassuma neriorsuutigaa, Soraarnermi kalaallit sullinneqartut 6.400-t missaanniittut soraarnerussutisiaqalernissamut katersaasa Danmarkimut PFA Pensionimut nuunneqartut peqqutaasoq, sullissat soraarnerussutisiaqarnermi pitsaanerusunik periarfissaqartikkumanerat:

AAMMA ATUARUK PFA Soraarneq ukiortaami matussaaq

- Soraarnerussutisiaqarnissamut katersat eqaannerusumik ataasiakkaanullu naleqqussagaanerusumik aaqqissuussaalissapput.

Aningaasat katersat Danmarkimut PFA Pensionimut ukioq naappat nuussorneqarnerisigut PFA Soraarneq matussaaq.

Tassungalu atatillugu katersanit ataasiakkaanit tamanit akitsuutinik Namminersorlutik Oqartussanut akiliisoqassaaq.

AAMMA ATUARUK PFA Soraarnermi katersat PFA Pensionimut nuunneqassapput

- Akitsuut taanna katersisut tamarmik immikkut akileraarutigisassaannut naapertuuppoq.

Pisortaq nassuiaavoq erseqqissarlugu, soraarnerussutisiaqalernissamut katersisut akileraarummik maanna katersaminnilluunniit tigooraalerunik akiliigaluarunilluunniit naligiimmik inissisimassasut.

Sullitat PFA-mit ilaasortaajunnaarlutik nunatsinni soraarnerussutisiaqalernissamut ileqqaarutissanik katersuiffimmut allamut aamma nuussinnaapput:

- SISA aamma periarfissaavoq. Taavalu aningaaseriviit siunissamut ungasissumut katersaqartitsinissamik januaarip aallaqqaataaniit neqerooruteqarsinnaalissapput. Danskit soraarnerussutisiaqarnermut aningaasaateqarfianni ilaasortaajumanngikkaanni taakku periarfissaapput, PFA Soraarnermi pisortaq Lis Hasling oqarpoq.

AAMMA ATUARUK Pinngitsoorani soraarnerussutissiaqalernissaq tapersersorluarneqarpoq

AAMMA ATUARUK Suliffillit soraarnerussutisiassanut pinngitsaaliissummik katersilissapput