Pinngitsoorani soraarnerussutissiaqalernissaq tapersersorluarneqarpoq

Soraarnerussutisiaqarnissamut aaqqissuussinermut pinngitsoorani akiliuteqartalernissaq Naalakkersuisut siunnersuutaat Inatsisartuni pingasunngormat oqaluuserineqarmat tapersersorluarneqarpoq
Assi © : KNR
septembarip 22-at 2016 15:29

Pinngitsooraani  soraarnerussutisiaqarnissamut akiliuteqartalernissamut Naalakkersuisut allannguutissatut siunnersuutaat inatsisartuni pingasunngornermi saqqummiunneqarmat tapersersorneqarpoq,.

Soraarnerussutisiaqalernissamut akiliutigineqartartut ikippallaarnerat allannguutissatut siunnersuummi aaqqiiviginiarneqarpoq.

Soraarnerussutisiaqarnissamut aaqqissuussinermut pinngitsoorani ilaanissamut Naalakkersuisut siunnersuutaanni utoqqalinersiaqartut aningaasatigut tunngavigisaat siunissami qulakkeerniarneqarput.

Aamma atuaruk: suliffillit-soraarnerussutisiassanut-pinngitsaaliissummik-katersilissapput
 
Innutaasut 18-nik ukioqalereersimasut  pinngitsooratik soraarnerussutisiaqarnissamut ileqqaagaqassapput.
Taamaattorli innuttaasut ukiumut 100.000 kr-nit ataallugit isertitaqartut pinngitsooratik  soraarnerussutisiaqarnissamut akiliuteqartassanngillat.

Soraarnerussutisianut aaqqissuusseqqinnerit Naalakkersuisut suliniutaasa tamanna ilagaat, sinnersuut inatsisartut ukiakkut ataatsimiineranni  pingasunngornermi oqaluuserineqarpoq.

2013-imi soraarnerussutisianut sipaarutigisanik innuttaasut 400 millionit koruunit
ataatilaarlugit akiliutigaat. Nunatsinni innuttaasut isertitaasa tamarmiusut 2 procentiisa assigaat.

Aamma atuaruk patajaallisaalinnginnerput-toqqissisimananngilaq

Taakkualu appasippallaarput Naalakkersuisut oqarput.

Nunanut, soorlu Danmarkimut, Savalimmiunut Islandimullu naleqqiullugu malunnartumik
appasinneruvoq. Nunani taakkunani pineqartuni naalagaaffiit isertitaasa tamarmiusunit 2013-
imi akiliutaasut tassaapput 6 procentit, 8 procentit aamma 6 procentit.

Inuit Ataqatigiit siunnersuut tapersersorpaat, oqaaseqaateqarnerminnilu tunngavilesrsuutigaat siunissami sulisinnaasut ikinnerulerpata isertinneqartut ikinnerulissammata taamaattumillu utoqqalinersiaqartut  isumagineqarnissaannut akissat ikinnerulissammata.

Partii Naaleraq siunnersuummut tapersuivoq taamaattorli Nunatsinni sulisinnaasut siunissami ikiliartornerat ernumanartinneqarpoq taamaattumillu soraarnerussutisiaqartut atugaasa pitsaanerulernissaat pisariaqartoq Partii Naleraq isumaqarpoq

Inatsisissatut siunnersuut aappassaaneerlugu oqaluuserineqassaaq oktoberip ulluisa 20-anni, pingajussaaneerlugulu oqaluuserineqassaaq novemberip ulluisa qulinganni.