GE: Patajaallisaalinnginnerput toqqissisimananngilaq

Sulisitsisut Peqatigiiffiat, GE, Iluarsaaqqinnernik, aningaasaqarnitsinnut iluaqutaasussanik inuussutissarsiortullu atugaannik pitsaanerulersitsisussanik aningaasanut inatsisissatut siunnersuummi saqqummeqqammersumi ujartuipput.

Allattoq Thomas Munk Veirum, Sara K. Jakobsen

aggustip 14-at 2016 15:47

- Utoqqaat amerliartornerisigut peqqinnissaqarfimmut allarpassuarnullu aningaasartuutit amerliartornerannut piareersassagutta, aalisarnikkut isertitarissaarnitsinni patajaallisaalinnginnerput toqqissisimananngilaq, Sulisitsisut Peqatigiiffiata pisortaa Brian Buus Pedersen oqarpoq.

Aamma atuaruk Aningaasanut inatsisissaq sinneqartooruteqartoq

Naalakkersuisut aningaasanut 2017-imut inatsisissatut siunnersuummi 33 millionit koruuninik sinneqartoornissamik missingersuipput. Iluarsaaqqinnissalli siunnersuummi oqaluuserineqartut taassuma naammaginarsorinngilaa.

- Ernumanarpoq, tassami pisortat ingerlatsiviini amigartoorutit amerliartuinnartut ikilisarniarlugit aaqqissuusseqqittoqartariaqartoq, Aningaasaqarneq pillugu Siunnersuisoqatigiit tikkuaqattaareerpaat, Brian Buus Pedersen oqarpoq.

Aamma atuaruk IA: Inuit atugarissaarnerat sinneqartoornermit pingaarneruvoq

Naalakkersuisullu ikiorsiissutitigut sukaterinissaat, GE-p ujartorpaa.

- Inuit sulilerusukkaluartut sulileraangamik pisortat aaqqissuussaanerat peqqutigalugu aningaasarsiaat ajoraluartumik ilanngarneqartarput, pisortanut akiitsutik sukkasuumik taarsersortussaagamikkit.

Soraarnerussutisiassanut pinngitsoorani akilersuisalernissamut Naalakkersuisut siunnersuuteqarniarnerat silatusaarnerusutut GE-mit isigaat.

Aamma atuaruk Illuutillit akileraartarnermi ilanngaateqalernissaat Atassutip siunnersuutigaa

Taamaattorli:

- Namminersortut suliffeqarfiutiminni katersaqareersut pinngitsaalillugit akilersuisittalernissaat pitsaanngitsutut isigaarput. Aningaasarpassuarnik tigooraavigineqarunik suliffiutiminnik nutarterisinnaanerat killeqalissammat.

Aamma atuaruk Immanuelsen: Aningaasat sulisillik