Somaliami panernersuaqarpoq
Somaliami panernersuaqarnera peqqutigalugu innuttaasut imissaarullutik inuunertik annaanniarlugu quutik imertalersimagaat, ikiuiniaqatigiit Oxfam nalunaaruteqarput.
Somaliami inuit ikinnerpaamik arfineq marluk qaammatip kingulliup ingerlanerani qilallutik toqupput. Somaliap sanilerisaani Kenya-mi inuit qilallutik toqusut 40-t anguaat, arnat sisamat puilasuliamut parngutilersumut imermik tigusiniaraluartillutik puilasoq nakkaattoormat ajunaarmata.
Oxfam-ip nalunaarutai naapertorlugit Somaliap kujasissortaani 40-nik kiatsigisumi innuttaasut ullormut imermik immiartorfiit pingasut taamaallaat pisinnaavaat. Immiartorfiit pingasut najoqqagassatut, iganissamut, asattornissamullu atugassiaapput.
-Pisoq aatsaat taama ilungersunartigitillugu misigaara, Abdullah Maalim Hussein, Somaliami utoqqaat pisortat ilaat, Oxfam-imilu sinnerlugu nunanut panernerpaaffinnut misissuisunut angalaqataasoq oqarpoq.
-Inuit ilaat toqusarput, meeqqallu quutik imertarpaat imigassaat naammanngimmata, Hussein Kenya-mi illoqarfiit pingaarnersaanni, Nairobimi, nalunaarummi tuluit ikiuiniaqatigiiffiisa saqqummiussaanni oqarpoq.
