Sivisuumik isumaqatigiinniareerlutik: Perorsaasut isumaqatigiissut nutaaq akuersissutigaat
Perorsaasut 550-t missaanniittut sulinerminni atukkatik pillugit sulisitsisuminnut 2024-ip tungaanut isumaqatigiissutissaat taasissutaareerluni akuerineqareerlunilu atuutilertussanngorpoq.
NPK taama nalunaaruteqarpoq. Politikerit aningaasarsianik qaffaanissaq pillugu tapersersuinerminnik tusartitsisaraluartut isumaqatigiinniarnerit imaannaasimanngillat.
AAMMA ATUARUK Højere løn, men tillæg udgår: Pædagoger er for og imod aftale
- Soorunalimi piviusumut pigaanni pissutsit allaasarput. Aningaasanik qanoq annertutigisunik perorsaasunut atugassaminnik illikartitassanik siornaakkunnili aaqqissuussereersimapput, taanna illikartikkuminaangaatsiarsimavoq, Arnaq Brønlund oqarpoq.
- Isumaqatigiissut nutaaq, meeqqerivinni perorsaasut tunngaviusumik akissarsiaat tapisiaat ilanngullugit 2020-imi apriilip aallaqqaataanit 2023-imi marsip ulluisa 31-annut katillugit 13 procentimik qaffassapput.
- Tassa immaappoq, akissarsiat 2.500 koruuninik qaffariassapput, akileraarullu suli peernagu qaammammut 22.945,14 koruuninik akissarsisassallutik.
NPK naapertorlugu Inatsisartut aningaasanik aalajangersimasunik ukiut marluk matuma siorna immikkoortitsisimapput.
Amerlanerussuteqarluartut akuerigaat
Perorsaasut sulisitsisuminnit isumaqatigiissutaasoq naggammik januaarip ulluisa 15-ianni taasissutigaat. Nunalu tamakkerlugu taasinerit maanna kisinneqarsimalerput.
Perorsaasullu amerlanerpaat isumaqatigiissut akueraat, tassa taasisuni 107-it akuersisimapput, akuersinngitsullu 31-iusimallutik. 17-it taasinertaqanngitsut imaluunniit tunniussiffissaq qaangiutereertoq tunniussaasimasut atorsinnaanngitsutut nalilerneqarput.
AAMMA ATUARUK Perorsaasut akissaatit pillugit taasileruttortut: Siulittaasoq nipaattuarsinnarpoq
Siulittaasorlu anguniagaq pingaarneq angusimasutut misigalugu oqarpoq.
- Perorsaasut aningaasarsiaat ukiumi siullermi isumaqatigiinniarfitsinni qaffariaataat aningaasanngorlugu taagukku: akissarsiamut tunngasortaa tunngaviusumik akissarsiap qaffassutaa 2.500 koruuninik sinneqqalaarpoq.
AAMMA ATUARUK Perorsaasut, Kommunit Namminersorlutillu Oqartussat akissarsiat pillugit isumaqatigiissuteqarput
- Una ilinniagaq orniginarlunilu suliffiup pilerinartuujuaannarnissaa, ugguuna alloriarnerusoq kusanartoq isumaqarpugut.
