Labansen: Siumumi isumaqatigiinnginerup aalisarnermut naalakkersuisuunissaq ajornakusoortippaa
- Siumup iluani isummat taakkua naapissinnaanngitsut Jensip naapitsinniartariaqassavai, naalakkersuinermi pissutsinik malinnaasoq, kommunit kattuffigisimasaata KANUKOKA-p pisortarisimasaa, Martha Labansen, taama naliliivoq.
Piujuaannartitsinissaq isumaqatigiinngissutaasoq
Tassami aalisarnermut tunngatillugu soqutigisat assigiinngitsut marluk Siumumi imminnut akiuussutaasut, taassumami maluginiarpaa:
- Ilaat isumaqarput, aalisarneq killilersorneqassanngitsoq. Sunaluunniit pisarineqarsinnaasariaqartoq. Uumasunik ilisimatuut nalilersuinerat tusaasariaqanngitsoq. Aalisarneq nammineerluni ingerlasariaqartoq. Ilaalli aamma isumaqarput, kinguaassatsinnik eqqarsarluta aamma aalisakkat pigiuarnissaat eqqarsaatigalugu politikkeqassasugut.
AAMMA ATUARUK Atassut naalakkersuisoqatigiinnit tunuarpoq, Jeremiassenilu naalakkersuisutut aamma tunuarluni
Naalakkersuisoqatigiit isumaqatigiissutaanni manna atuuttumi piniakkanik atuineq piujuaannartitsinermik tunngaveqarluni ingerlanneqassasoq allassimavoq. Tamannalu assersuutigalugu erserpoq, Qeqertarsuup Tunuani Upernavimmilu qaleralittassiissutigineqartut pisarineqarsinnaasunut tamakkiisunut ukiuni tulliuttuni sisamani naleqqussariartuaarnissaat aallartinneqassasoq, Naalakkersuisut 2018-imi novembarimi aalajangermata.
Isumaqatiginnginnerup allanik suleqateqarnissaq ajornakusoortippaa
Taamaammat aqutsiveqarfinni marlunni aalisagartassat ikilineqarput.
Tamannali Siumumit isumaqatigineqanngilaq. Inatsisartuni gruppip siulittaasuata, partiip siulittaasuanut aamma tullersortaasup, Karl Kristian Krusep, tusagassiuutinut nalunaaruteqarluni tamanna erseqqissaatigaa.
AAMMA ATUARUK Partii Naleqqap naalakkersuisoq aamma tatiginngilaa
- Uani isumaqarpunga takoreeripput, partiinik allanik isumaqatigiinniarnissaq qanoq ajornartorsiutaatigisoq, nammineerluni partiimi iluani isummat taama assigiinngitsigisut mattullutik iluamik oqaloqatigiissutigisimanngikkunikkit, Martha Labansen naliliivoq.