Sipineq+ Rainbow Awardinnappoq

Sipineq+ Danish Rainbow Award-innassanersoq. septembari aallartilaartorli pissangassutaalerpoq, Ajusaasutullu ippassaq toqqarneqarput.

Allattoq Nicole Sander Bertelsen

septembarip 28-at 2023 14:34

Nutserisoq Najâraq Egede

Suiaassutsikkut allatigullu allaanerussuteqartut nunatsinni peqatigiiffiat LGBTQ+ Sipineq+ peqatigiiffitsialannut akissarsiaritinneqartartumik Danish Rainbow Award 2023-mik pinnappoq.

Pissanngateqaagut, peqatigiiffinnummi akissarsiaritinneqartartoq sunaaffa agguaassinermi kingulliunneqartartoq, Qillaq Olsen, peqatigiiffimmi siulittaasoq aqaguani KNR-mit oqaloqatigigatsinni oqarpoq.

Peqatigiiffitsik ajugaammat inuttaata upperiuminaatsissimavaa.

- Ajugaanissarput ilimaginngilluinnarakku. Kajumissuserput tunngavigalugu peqatigiiffiuvugut, ukiorluunniit suli naammatsinngilarput. Danmarkimi sivisunerujussuarmik peqatigiiffiupput. Akissarsinissamut innersuussaanerput uagutsinnut naammakkaluarpoq, Qillaq Olsen oqarpoq.

Aamma atuarukLGBTQ+-peqatigiiffiit: Inatsisitaaq oqaluttuarisaanermut pingaaruteqaraluarluni amigaateqartoq

Akissarsitsinermi Cirkusbygningimi Københavnimi pisumi nammineq najuutinngilaq, Instagramikkullu qanimut malinnaalluni.

Tammajuitsussaq allaaserineqarnerlu

Ajugaaneq peqatigiiffimmut nuannaarutaallunilu LGBT+-peqatigiiffinnik nunarsuarmiittunik suleqateqalernissamut ammaassissasoq ilimagaat. Suiaassutsikkut allatigullu allaanerussuteqartut nunatsinni peqatigiiffiat LGBTQ+ sunaanersoq kalaallisullu taaguusersuutissat suut atorneqarnissat sulissutigineqassaaq.

Tamannarpiaavoq, peqatigiiffiup akissarsisussatut innersuunneqarnerani peqqutaanerpaaq.

Sulerusussutsip annerulernerata saniatigut peqatigiiffik tammajuitsussarsivoq, neriusaamik, Qillaq Olsen oqaluttuarpoq. Misigisaminni pingaarnerpaatippaat Danmarkimi LBGT+-qatimik akornanni oqallisaalernertik aamma ataqqineqarnertik, Qillaq Olsen oqarpoq.

Aamma atuaruk Air Greenlandip LGBTQ+-p pisinnaatitaaffii ataqqivai: Assigiinngisitaarneq peqataatitsinerlu pingaartikkitsik oqariartuutigaat

- Ajugaanitsigut oqaluuserineqalerpugut ataqqineqarlutalu. Taakku innersuunneqarnerput avammut tusartinneqaannartorli misigaagut. Uagutsinnut pingaaruteqaqaaq, maannami nunatsinni LGBT+-qartoq siammarternerusinnaanngorparput, oqarpoq.

Siunissarput nalusarparput

Qillaq Olsenip peqatigiiffimmik akissarsinera assut tulluusimaarutigaa.

- LBGT+-eqarnerup Danmarkimi silarsuaani Rainbow Award akissarsiassani annerpaartaavoq. Uagut peqatigiiffitsialattut toqqagaavugut. Ingasaqaaq, ingasangaarmat tullissaa suussanersoq nalunarporluunniit, siulittaasoq oqarpoq.

Neriorsuutigaali suliatik uninnavianngitut. Peqatigiiffittummi ukioq manna aallartikkamilli queer-iussuseq kalaallisut taaguuteqalersinniarlugu sulissutigaat.

Nutaarsiassami kukkunermik nassaarsimaguit uunga allaffigineqarsinnaavugut.