SIK: Nunani avannarlerni peqqinnissaqarfiit ikioqatigiittariaqalerput

Nunani avannarlerni tamani maannakkut nakorsanik peqqissaasunillu annertuumik amigaateqartoqarnera nunat ikioqatigiillutik qaangerniartariaqarpaat, taama isumaqarpoq Sulinermik Inuussutissarsiuteqartut Kattuffiani siulittaasoq Jess G. Berthelsen.

Allattoq Louise M. Kleemann

oktobarip 31-at 2008 06:39

- Ajornartorsiut nunamiit nunamut maanna nooqataaginnarneqarpoq aaqqiivigineqaranilu. Peqqissutsimut Naalakkersuisoq inakkumavarput Nunani avannarlerni peqqinnissaqarfimmi naalakkersuisoqatini qaaqqussagai, oqaluuserisassaq ataasiinnaq oqaluuserissallugu, tassalu peqqinnissaqarfimmi sulisut nunani avannarlerni tamani qanoq ilillugit ataqatigiissaarnerusumik sulisinneqarsinnaanersut. Oqarpoq nangillunilu.

- Maannakkutummi Vikarbureau aqqutigalugit akiisoorujussuarnik taartaasartunik sulisussanik pissarsiniaqattaarneq ingerlatillugu ajorsartut tassaassapput, nunat tamat pineqartut, ajorsarnerpaasussalli tassaapput napparsimasut katsorsarneqarnissaminnik pisariaqartitsisut. Taamaammat nunanit avannarlerni peqqinnissaqarfiit ikioqatigiittariaqalerput, Jess G. Berthelsen oqarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.