Savalimmiuni saamerliit talerperliillu tamarmik isertitaqartut
Savalimmiuni tusagassiorfik Kringvarp taama allaaserisaqarpoq.
Socialdemokraatit partiiannit Javnaðarflokkurinimit Sjúrður Skaale qinigaaqqippoq. Taanna 2011-mili Folketingimut ilaasortaavoq, aammalu 2008-mi sivikitsumik sinniisussatut ilaasortaalluni.
Savalimmiormiut katillugit 3.331 -t Sjúrður Skaale qinerpaat. Taassuma Mette Frederiksen ministeriunertut tapersersorniarlugu qineqqusaarnermi erseqqissaatigaa.
AAMMA ATUARUK Sambandspartiip Folketingimut qinigaatitaqarnissaa ilimagineqartoq
Talerperlerneersoq Edmund Joensen Sambandspartiimeersoq aamma qinigaavoq 1.885-init taaguunneqarluni.
Taanna Savalimmiuni siornatigut lagmandiusimasoq siornatigullu Folketingimilu ilaasortatut ukiorpassuarni misilittagaqarluni. 1994-imit 1998-imut, aamma 2007-imit 2015-imut. Anders Fogh Rasmussenip Savalimmiunit tapersersorneqarluni ministeriuninngornissaa 2007-imi aamma qulakkeerinneqataaffigaa.
Republikanerit partiianit Tjóðveldimit 2015-imit maannamut Folketingimi ilaasortaasoq Magni Arge qinigaaqqinngitsoorpoq.
AAMMA ATUARUK Løkkep Savalimmiunut qineqqusaariartornera isornartorsiorneqartoq
