Arajutsivigit? Sapaatip akunnerani nutaarsiassat pingaarnerit
Per Rosing-Petersenip Partii Inuinit aninera ataasinngornermi KNR.gl-imi allaaseraarput. Taanna qaammatini marluinnarni partiimi siulittaasooreerluni anivoq.
Rosing-Petersenip Partii Inuit Partii Nalerarlu kattutseriaraluarnerisa kingorna Partii Inunnit ilaasortaajunnaartoq paasinarsivoq. Tamannali iluatsinngilaq kinguneranillu Partii Inuit siulersuisuini ilaasortat arlallit tunuarput.
Rosing-Petersen partiimut anisitaaffiginikuusaminut, Partii Naleqqamut, ullualuit qaangiuttut utertoq nalunaarutigineqarpoq.
AAMMA ATUARUK Hurtigt exit fra Partii Inuit
Qamuteralannik ajutoortoqarsimaneranik ataasinngornermi aamma nutaarsiassaqarpoq. Uummannap eqqaani inuit marluk annertuumik ajoqusersimapput. Pisoq misissorneqarmat qanorpiaq pisoqarsimanersoq politiit oqaatiginngilaat.
AAMMA ATUARUK Qamuteralaat apornerini inuit marluk ajoquserujussuartut
Camp Centurymi atomimik nukissiorfiup nillusarnissaanut erngup atorneqartup sermersuup iluanut toqqaannartumik kuutsinneqarsinnaaneranut USA danskit naalakkersuisuinit akuerineqarsimasoq KNR-ip marlunngornermi oqaluttuaraa. Malitsigisaanillu oqaluttuat itisiliisut saqqummiunneqartut atuarneqarsinnaapput:
Marlunngornermi nutaarsiassat saqqummersut ilagaat; Visit Greenlandimi pisortap Anders Stenbakkenip atorfimminit soraarnera. Taanna ukiuni arfineq-marlunni pisortaareerluni soraarnissani aalajangiussimallugu KNR-imut oqaluttuarpoq.
AAMMA ATUARUK Visit Greenland nutaamik pisortartaalersoq
Ilisimatusarfimmi rektori, Tine Pars, peqqissutsimut naalakkersuisoqarfimmi pisortanngulersoq apriilillu aallaqqaataani aallartissasoq KNR-ip marlunngornermi oqaluttuaraa.
Kommuneqarfik Sermersuup Namminersorlutik Oqartussallu tuttutassiissutinik tunioraanerat Aalisartut Piniartullu Kattuffiata isornartorsiorpaa.
Tassami periaaseq pissutigalugu piniartut pisassinneqarsimasut ilaat pisassaminnik tuniniaasarput.
AAMMA ATUARUK Piniartut ilaat pisassiissutinik tuniniaasarput
Atassummi siulittaasuusimasoq Knud Kristiansen Siumumut ilaasortanngorsimasoq Siumumi siulittasoq tusagassiuutinut pingasunngormat nalunaaruteqarpoq.
AAMMA ATUARUK Knud Kristiansen har fundet nyt parti
Ole Dorph, Qaasuitsumi borgmesteri, qineqqusaaqqinnianngitsoq KNR-ip sisamanngornermi oqaluttuaraa.
AAMMA ATUARUK Ole Dorph qinigassanngortinngitsoq
Tallimanngornermi Bachelorinngortut 45-pput kandidatinngortullu arfineq-pingasut allagartartaarmata inuit nuannattunnguupput. Assit takukkit:
AAMMA ATUARUK Ilisimatusarfimmi allagartartaartut nuannattunnguupput