Knud Kristiansenip partiissani nassaaraa
Knud Kristiansenip Upernavimmi Siumup immikkoortortaqarfia februaarip ulluisa 22-anni ilaasortanngortoq, Siumut tusagassiuutinut taama ilaatigut allaaserisaqarpoq.
- Knud Kristiansen Inatsisartuni Siumup gruppianut taamaalilluni ilaasortanngorpoq. Ilutigitillugu Qaasuitsup Kommuniani qinikkatut kommunalbestyrelsimut Siumup gruppiani aamma ilaasortanngorluni, Kim Kielsen tusagassiuutinut oqarpoq.
- Knud Kristiansenip Siumumut tikilluaqqullugu suleqatigilluarnissaa qilanaaraarput, Kim Kielsen oqarpoq.
Knud Kristiansen ilaatigut attaveqatigiinnermut naalakkersuisuunikuuvoq. Taanna Kim Kielsen Naalakkersuisooqatigiinni allanngortitsinerani peersitaanikuulluni. Naalakkersuisooqatigiit allanngornernni Atassut Demokraatillu peersinneqarput Partii Naleqqamillu Inuit Ataqatigiinnillu taarserneqarlutik.
Ukioq manna januaarimi Knud Kristianseni Atassummi siulittaasutut tunuarpoq partiimiillu anilluni.
AAMMA ATUARUK Knud Kristiansen forlader Atassut
