Rosingip partiinik kattussiniarnera oqallinnermik nipituuliorfiusumik kinguneqartoq
Partii Inuit Partii Naleqqallu kattunnissaat Per Rosing-Petersenip siunnersuutigaa. Siunnersuulli akerleriissutigineqartorujussuuvoq, tamannalu siulittaasup siulersuisunilu ilaasortat tallimat partiimit ilaasortaajunnaarnerannik kinguneqartoq, Per Rosing-Petersenip oqaatigaa.
- Ilutsinni sakkortorujussuarmik, narrujuumminartumik oqariartuuteqartoqarmat, ataatsimeeqataasumit utoqqatsertoqarnissaa kissaatigineqarpoq. Tamannalu pinngimmat taavalu immaqa ataatsimiinnermi oqaatsit sakkortuut atorneqarnerat amerliartuinnarmata, uanga tassa peqataasinnaajunnaarlunga oqarpunga, qanoq ataatsimoortitsisinnaanissara takusinnaannginnakku, Per Rosing-Petersen KNR-ip radioata aallakaatitassiaanut Inuiaat Tillernerannut taama oqarpoq.
AAMMA ATUARUK Per Rosing Petersen Partii Inuit siulittaasortaarivaat
Per Rosing-Petersen naapertorlugu immaqa qanittukkut qinersisoqarsinnaavoq, taamaattoqarsinnaasorigamiullu partiit kattunnissaat siunnersuutigaa.
Per Rosing-Petersen Partii Naleqqamut ilaasortanngoqqittussanngorluni Inuiaat Tillernerannut aamma oqarpoq.
Partii Inunni qaammatit marluk missaanni siulittaasuuvoq.
AAMMA ATUARUK Per Rosing Petersen Partii Naleqqamit ilaasortaajunnaarsinneqartoq