Saligaatsoq Nuummi ukiut tallimassaanik saliissaaq
Tamanna pissaaq sisamanngornermi juunip aqqarngani, eqqagassanillu saliinersuaq Nuummi kulturip illorsuani Katuami nalunaaqutaq 13.00 aallartissaaq, pinngortitamut avatangiisinullu naalakkersuisoq Mala Høy Kúko aallartillugu oqalugiassalluni.
Oqalugiareerpat suliffeqarfinnut nalunaarsimasunut puussiarsuit aaqqatillu agguaanneqassapput.
AAMMA ATUARUK Saligaatsoq Avatangiiserik akissarsisinneqartussatut innersuunneqartoq
Suleqatigiiffik CSR Greenland illoqarfiit pingaarnersaanni aaqqissuussinermut aallarnisaasuuvoq, tassani suliffeqarfippassuit kajumissutsiminnik ualeq atorlugu illoqarfiup aqqusernganik kussinernik, sissami ataatsimoortarfinnilu kommunip ikuallaavia suleqatigalugu annertuumik sukkasuumillu saleersuaartarlutik.
Nuummiinnaq siorna eqqagassat 30 tons angullugit iluatseqisumik katersorneqarput.
AAMMA ATUARUK Saligaatsoq Nuuk iluatsitsiffiulluartoq
Ukiormannalu sinerissami aaqqissuussinernut arlalinnut ulloq taanna imaluunniit ullormi allami ingerlanneqartussanut peqataasoqarsinnaavoq. Sinerissamilu peqataaffigineqarsinnaasut tassaapput Uummannaq, Ilulissat, Sisimiut, Kangerlussuaq, Maniitsoq aamma Qaqortoq.
