Danmarkimi digitalimik siuarsaanermut ministeri CPR-ip siunissaa pillugu qanittukkut nutaarsiassaqartitsiumaartoq

Digitalimik ineriartortitsinermut ministerip Christina Egelundip (Moderaterne) CPR-imut paasissutissaasiviup qanoq sillimatiginera pillugu misissuinermit paasissutissanik nutaanik qanittukkut saqqummiussisoqarumaarnera nalunaarutigaa.

- CPR-ip siunissaa qanoq ikkumaarnera pillugu qanittukkut erseqqissumik oqaaseqarsinnaassallunga neriuppunga, ministeri Ritzaumut oqarpoq.

Ministerilli misissuinerup inernera qaqugu saqqummiunneqassanersoq oqaatigiumanngilaa.

Ministerip danskit inuusut toqusimasullu 8,8 millionit inuttut normui, ulluni qulini susassaqanngitsunit pissarsiarineqarsimasinnaanerat paasineqarmat, sukumiisumik misissuisitsisoqartoq ataasinngornermi nalunaarutigaa.

Isumannaallisaanikkut ajoqut pissutigalugu, innuttaasut nutaamik CPR-normuteqalertariaqarnersut imaluunniit CPR-systemi tamarmi allanngortinneqartariaqarnersoq maanna apeqqutaalerpoq.

Isumannaalisaanerup tungaatigut sukaterisut

Christina Egelundip nutaanik CPR-normuliortoqarnissaa oqaatigissallugu suli siusippallaartoq, siusinnerusukkut oqaatigaa.

Taamaattumik paasissutissaasivik sillimaniarnerup tungaatigut siunissami pitsaanerulersinneqarsinnaanersoq pisorlu paasissutissaasivimmik allanngortiterisariaqarnermik kinguneqassanersoq, misissuinerup takutikkumaaraa, taassuma erseqqissaatigaa

Assingusumik pisoqaqqinnginniassammat paasissutissaasivimmi sillimaniarnerup tungaatigut misissuisoqarnerani sukaterisoqarsimanera, oqaatigineqarpoq.

Ministerillu danskit innuttaasui peqquserlunniartoqarsinnaanera eqqarsaatigalugu, ministereqarfimmit tusagaqarni piffissami tulliuttumi eqqumaffiginninnerunissaat kajumissaarutigaa.

Taamatuttaaq ministerip danskit innuttaasui, ministereqarfimmit oqaaseqartoqarnissaata tungaanut, piffissami tulliuttumi peqquserluttoqarsinnaaneranik eqqumaffiginninnissaannik kajumissaarpai. 

Taassuma danskit paasissutissanik pissarsisoqarsimasinnaaneranut tunngatillugu "silatusaartumik qisuariarnerat“ maluginiarpaa.

Danmarkimi innuttaasunik isumannaallisaanermut pisortaqarfiup innuttaasut "peqquserluttoqarneranik pasitsaassisut“, taarsigassarsiniartoqarnissaanut mianersoqqummik CPR-ip nalunaarsuiffianut nalunaarsuinissaannik ataasinngornermi innersuussipput.  

Taarsigassarsiniartoqarnissaanut mianersoqqut tassaavoq nalunaarut, inuup aqqa atorlugu taarsigassarsiniartoqarnissaanut ajornarnerulersitsisussaq, inuullu aqqa inuuialu atorlugit peqquserluttoqarnissaanut illersuutaasinnaasoq.

Danskit 700.000-nit amerlanerusut innersuussissuteqartoqareernerata kingorna, taarsigassarsiniartoqarnissaanut mianersoqqummik nalunaarsuereersimanerat, kisitsisinit Ilisimatusarnermut, Ilinniartitaanermut Digitalimillu ineriartortitsinissamut ministereqarfimmeersunit paasinarsivoq.

RITZAU