Ruslandip Kinallu Issittumi inissisimanerat Pompeop isornartorsioraa

Sermitsiaq.AG taama allaaserisaqarpoq.

Kinap Issittumi sakkutooqarnikkut niuernikkullu sunniuteqaqataajumalluni "naalagaaffittut Issittumut qanittutut" imminut taaguusersisimanera Pompeop oqalugiarnermini isornartorsiorpaa. Kina Qalasersuarmut killeqarfeqanngikkaluarluni imminut taama taagorpoq.

AAMMA ATUARUK USA-p nunanut allanut tunngasunut ministeria Nuulialersoq

- Issittup Imartaata Kinap kujataani imartaatut inissisimatilerusupparput, sakkutoorpassuaqarfinngorlugu killeqarfilerngusaaffiutillugulu? Amerikamiut nunanut allanut tunngasunut ministeriat ilaatigut taama oqarpoq.

Ruslandip Issittumi nunat tamalaat imartaannik aqutsiniarsarinera aamma isornartorsiorpaa. Umiarsuit Rusland saneqqullugu ingerlaaraangata russit oqartussaasuinit ilisimasortaqartarnissaat Ruslandimit piumasaqaatigineqarpoq.

- Imaanngilaq Issittoq inuilaajoriarmat inatsisaatsuliorfigineqassasoq. Taama pisoqannginnissaa qulakkeerniarlugu piareersimaffigaarput, Mike Pompeo oqalugiarluni taama erseqqissaavoq.

AAMMA ATUARUK Pompeop tikeraartorinissaanut Bagger Samuelsenilu qilanaartut

Amerikamiut nunanut allanut tunngasunut ministeriat sisamanngorpat nunatsinnut tikissaaq. Naalakkersuisut siulittaasuat, Kim Kielsen, nunanut allanut tunngasunut naalakkersuisoq Ane Lone Bagger aamma danskit nunanut allanut tunngasunut ministeriat Anders Samuelsen USA-p nunatsinniinnera ilaatigut oqaloqatigiissutigissavaat.