Royal Greenlandip Brexit ernumassutiginngilaa
Tuluit EU-miiginnarnissat kissaatigineruugaluarpaat, raajangersuummatali ernumassuteqanngillat, pisortaaneq Mikael Thinghuus taama oqarpoq:
- Ukiuni marlunni ernumassutigereernikuugatsigu maanna eqqissisimaarpugut. Taavalu uagut tuiluilluunniit susoqarumaarneranik ukiuni marlunni ilisimasaqarnerulersimannginnatta. Tuiluit aningaasaata pundip nalikillingaatsiarnera, tuluillu pisisartut taamaalillutik pisisinnaassusiata soorunami millinera maannamut sunniutini annerpaavoq.
AAMMA ATUARUK Utaqqiinnartariaqarpugut
Naak Tuluit Nunaannut aalisakkanik tunisinermi, taakkua pisisinnaassusiata millinera tusarluaataanngikkaluartoq, Royal Greenlandip pisortaa eqqiqqisimavoq:
- Illuanik oqartoqarsinaavoq; tuluinukua raajanngersut. Aamma namminneq immap nillertup raajaanik pisaqarneq ajorput. Taamaammat allanit pisiarisartakkatik namminneq pisaminnik taarsersinnaanngilaat.
Tuluit EU-miiginnarnissaat Royal Greenlandimut pitsaanerpaassagaluartoq, Mikael Thinghuusip erseqqissarpaa. Royal Greenlandilli tunisassiaasa nunani allani tunisinnaanissaannut isumalluarpoq:
- Naliliinera naapertorlugu raajat, tuluit pisiarisarunnaarlugillu nerisarunnaarumaagaat, neriuerfinni allani pisiaralugillu nerisarumaarpaat. Aammami Tuluit Nunaanni piumasuerukkunnanngilaq, pisisartulli ilaat pisisarunaassapput.
AAMMA ATUARUK Niueqatigiinneq pillugu isumaqatigiissuteqarnissaq Brexitip kingorna aatsaat pisinnaasoq
Tuluit matumik matorluillutik ilaasortaajunnaassagaluarpata, tulunnik niueqateqarnermi qanoq ittunik atugaqarnissaq nalunarsilluni, taava Royal Greenland sillimaniassaaq:
- Takorloorsinnaavara, upalungaarsarluta raajanik uutanik qalipaajakkanillu Tuluit Nunaanniituuteqalaassasugut, taava assartuinermi sivikitsumik sivisunerulamilluunniit paatsiveeerusimaartoqalissagaluarpat, tuluit pisisartugut Tuluit Nunaanni peqqumaasivitsinniit pilersorsinnaallugit, Mikael Thinghuus KNR-imut oqarpoq.
AAMMA ATUARUK Mayip siunnersuutaata itigartitsissutigineqarnera Naalakkersuisut tusaatissatut tiguaat
