Mayip siunnersuutaata itigartitsissutigineqarnera Naalakkersuisut tusaatissatut tiguaat

Tuluit Nunaanni ministeriunerup Theresa Mayip, Tuluit EU-mi ilaasortaajunnaarnisssaannut EU-mik isumaqatigissutaa, tuluit inatsisartuini ippassaq taasissutigineqarmat May ajorsarujussuarpoq, siunnersuullu itigartinneqarluni. Tuluit EU-mik isumaqatigiissusioqqaaraatik ilaasortaajunnaarnissaat taamaasilluni qanillivoq.
Assi © : Tiocfaidh ár lá 1916/Flickr Creative Commons
Allattoq Mads Lynge
januaarip 16-at 2019 17:08

Tuluit Nunaanni inatsisartut taama taasinerat nunatta Tuluit Nunaannik niueqateqarneranut sunniuteqarsinnaavoq. Nunarput Tuluit Nunaannut ukiumut 680 millionit koruunit nalinginut tunisaqartarpoq, Tuluit Nunaannilu inatsisartut Theresa Mayip siunnersuutaanut itigartitsinerat Nunatta tusaatissatut tigugaa, Nunanut allanut tunnngasunut naalakkersuisup Ane Lone Baggerip oqaatigaa:

- Tuluit Nunaata ippassaq taasinera, Kalaallit Nunaanninngaanniit tusaatissatut tigussavarput. Tuluit nunaata nammineq taasinerivaa, taamaattumik tusaatissatut tiguarput, Ilinniartitaanermut, Kultureqarnermut, Ilageeqarnermut Nunanullu Allanut Naalakkersuisoq Ane Lone Bagger KNR-imut taama oqarpoq.

AAMMA ATUARUK Mayip EU-mut ilaasortaajunnaarnissaq pillugu isumaqatigiissusiaa itigartitsissutigineqarpoq

Nunatta Tuluillu Nunaata niueqatigiinnissaq pillugu atorfilittatigut isumaqatiginninniartoqaleruttortoq, Ane Lone Baggerip ilisimatitsissutigaa.

AAMMA ATUARUK Brexitip sakkortunaarneqarsinnaanera piareersaateqarfigaarput

Theresa Mayip EU-mik isumaqatigiissusiaa Tuluit inatsisartuini ippassaq taasissutigineqarmat 432-t itigartitsipput, 202-llu akuersillutik.

Aamma atuaruk