Qeqertarsuatsiaani nannut toqqissisimanngissutigigaat: Uteqqippatami

- Aallaqqaammut takoqqaaratsigit ersiinnaramik taakani qeqertami. Aallaqqaammut alutornaqaanaasiit kisianni naggataani maaniiginnalermata nunaqarfimmiilluni toqqisisimanarunnaarami. Kisianni tassa kommunefogdep eqeersimaarnermini malinnaavigai.

Ado Berglund Qeqertarsuatsiaani najugalik oqarpoq. Taassuma qeqertat nannut ataasinngormat ullaap tungaali ornittagaat isikkiveqarfigaa.

AAMMA ATUARUK Naalakkersuisoqarfiup Greenland Cruisesip nannunnik takornariarnissaa akuerigaa

Nannut piffissap ilaani nunaqarfimmut 300 meteriinnarnik ungasitsigisumiilersut nalilerneqarpoq.

- Ingammik meeraqarluni toqqisisimananngeqaat. Allaalluunniit kisimiitsillugit aneersissinnaanngilagut, Ado Berglund oqarpoq.

- Assersuutigalugu: Uanga umiatsiara qalujartorakku aallaasilerlunga, 30-30-ra nassarpara qalujartorpunga.

Takusassarsiortitsineq 

Nannut pingajoqqat ataasinngormat Qeqertarsuatsiaanukarmata qoorortuumik aallaasoqarneratigut qimaasinneqarput. Tamatumali kingorna uteqqipput.

Takornariartitsisartut, Greenland Cruisesip nanoqarnera ullumi atorluarlugu nannunik pingasunik takunissartik neriuutigalugu takornariartitsinermik aaqqissuussivoq.

Ualimulli takornariartitsisoqarmat ersitinneqarlutik qimaatinneqarsimapput.

AAMMA ATUARUK Nannut pingajoqqat Qeqertarsuatsiaanut utertut

KNR-imit ilanngutassiortoq, Nauja Møller umiatsiami takoriartitsisartumi ilaavoq. Taassuma nunaqarfimmi innuttaasut nanumut alutorsarlutillu ersiorsimasut oqaatigaa:

- Inuit takusartik qaqutigoortuummat aallaqqaammut alutorsarsimaqaaq. Nannut qaqineqimmata filmiliorneqarlutillu marserneqarsimapput, Nauja Møller oqarpoq.

- Kisianni aamma nannut uteqqinnissaat nunaqarfimmiut ernumassutigaat, nunaqarfimmiummi tamangajammik illumi eqqaani neqimik panertitsipput meeraqartorujussuullunilu.

- Inuit pingaartumik ullut kingulliit marluk assersuutigalugu unnukkut toqqissisimasimanngillat, KNR-ip ilanngutassiortua oqarpoq.