Assi: Kathrine Kruse/KNR

Politiit: Pinerluuteqarsimasup iliuuseqaqqinnissaa Iluliarmiut annilaangagisariaqanngilaat

Inuit marluk Ilulissani toqutsisimasutut pasineqarlutik tigummmigallarneqarput.

Ilulissani toqutsisimanermut atatillugu, angut arnarlu maanna tigummmigallarneqalerput.

Angut 5. novembarip tungaanut tigummigallarneqassaaq, arnarlu akunnerit 24-it pingasoriaataanni tigummigallarneqassalluni.

Tamanna Kalaallit Nunaanni Politiit ippassaq unnukkut nalunaarutigaat. 

Pinerlussimasullu tigusarisimallugit politiit qularinngilluinnarpaat, sapaatillu akunnerata kingulliup naanerani nassaat amiilaarnartut misigissutsikkut itisuumik attuigaluartut, Ilulissani najugallit annilaangaqqunagit.

AAMMA ATUARUK Toqutsinermut suliaq paasisaqarfiunerusoq

- Maannakkut Iluliarmiut oqarfigisinnaanngoerpagut, pinerlussimasup iliuuseqaqqissinnaanera annilaangassutigineqartariaqanngitsoq, vicepolitiinspektør Jan Lambertsen, paasiniaanermi siuttuusoq oqarpoq.

- Pisimasumut atatillugu inuit attuumassuteqartut tigusaralutigit qularinngilluinnarparput.

Ilaqutaasut nalunaarfigineqareerput

Toqutaasup ilaqutai nalunaarfigineqareerput, Iluilarmiullut toqutaasup kinaaneranik nalunnginninnerartut arlallit KNR-imut naunaartarput. 

Tamakkuali pillugit vicepolitiinspektøri isummersorusunngilaq.

AAMMA ATUARUK Politiit: Qulaajarluinnalerparput

- Inuit namminneq paasiniaasut nalunngilarput. Inuppassuit annerusumik minnerusumilluunniit ilisimasaqarput. Tamakkua ilaat eqqortuupput ilaallu eqqortuunatik. Uagulli suut tamaas piareertinnagit isummersueqataarusunngilagut,  Jan Lambertsen oqarpoq. 

Najugaqarfik misissorneqartoq

Maanna tigummigallagassanngortinneqartut marluk tallimanngormat najukkami ataatsimi tigusarineqarput. Najugaqarfik politiit misissorpaat maannalu aamma ikuallaasarfimmi eqqagarpassuit aamma immikkoortitereerlugit. Tassa tamaani timip ilamernga sapaatip akunnerani kingullermi arfininngornikkut nassaarineqarpoq, marlunngormallu aamma inuup timaata ilamernga nassaarineqarluni.

AAMMA ATUARUK Ilulissani timip ilaanik nassaarneq pillugu suliaq: Inuit arlallit Ilulissani tigusarineqartut

Inuup timaata ilaanik allanik nassaartoqarsimanersoq Jan Lambertsen-ip oqaaseqarfigerusunngilaa. 

 Politiit teknikkikkut misissuinertik maanna naammassivaat. Paasiniaanermi siuttup oqaatigaa, ulluni tulliuttuni paasissutissat katersorneqassasut: Teknikkikkut uumassusilitsigullu misissuisoqassaaq, apersuisoqartarluni allanillu paasissutissanik katersisoqarluni, pasineqartut eqqartuuneqarnissaannut atugassanik.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat