Inuit marluk savimmik kapisisimasutut Nuummi tigusarineqartut

Nuummi savimmik ullaassaq kapisisoqarpoq. 

Tamanna pillugu Kalaallit Nunaanni Politiit oqaatigaat.  

-Nuummi Eqalugalinnguit nalaanni ullaassaq savimmik kapisisoqarpoq, Kalaallit Nunaanni Politiit sillimasuisa pisortaat Simon Dahl oqarpoq.  

Kalaallit Nunaanni Politiit savimmik kapisineq Eqalugalinnguani kaajallattarfiup nalaaniissimanera tusagassiuutinut nalunaarummi paasissutissiissutigaat. 

Politiit ullaassaq nalunaaqutaq sisamat missaanni nalunaarfigineqarput, inullu ataaseq ajoqusersimavoq, Simon Dahl oqarpoq: 

- ataaseq napparsimmaviliaanneqarpoq. Qanorli innera ilisimanngilarput.  

Suliami inuit marluk tigusarineqarput politiilli suliaq maanna taamaatsillugu sukumiinerusumik paasissutissiisinnaanngikkallarput. 

Pisoqarfiusimasorlu marlunngornerup ullaavani assersorneqartoq politiit maanna assersorunnaarpaat.