Amerikami senatori Nuummut tikittoq

Amerikami senatori Alaskameersoq Lisa Murkowski unnummut Nuummut tikippoq. 

Namminersorlutik Oqartussat innuttaasullu isumaat paasiniarlugit tikeraalaassaaq. 

Nunatta USA-llu attaveqatigiinnerat attuumassuteqartullu oqallisigissavaat, Amerikamiut sinniisoqarfiata oqaaseqartartua KNR-imut paasissutissiivoq. 

Senatori republikaneri ingasattajaartuunngitsoq ukioq manna marloriarluni nunatsinniippoq

Senatorit partiinut pituttorsimanngitsut peqatigalugit nunarput USA-mit januaarimi sioorasaarneqarnerani tapersersuilluni februaarimi Nuummiippoq. 

Murkowski Aaja Chemnitzilu Issittup Inatsisartuisa Ataatsimiititaliaani ukiut ingerlaneranni qanimut suleqatigiipput. 

Senatori Murkowski Donald Trumpip nunatsinnik tiguaarusulluni anguniagaanut tunngatillugu qangali isornartorsiuisuuvoq.

Arctic Circle Assemblymi, issittumi pissutsit pillugit nunarsuarmi ataatsimeersuarnerit annersaanni, sapaatip akunnerata siuliani peqataareerluni Reykjavikimiit Nuummut tikippoq.