Politiit angut 19-inik ukiulik Qaqortumi ujaaraat

19-inik ukiulik, Brian Adolfsen sisamanngornermi unnukkulli takuneqarpoq. Kalaallit Nunaanni Politiit angut SAR-imik nunakkut ujaarileruttoraat, pigaartut pisortaata paasissutissiissutigaa.

Allattoq Nicole Sander Bertelsen

juulip 26-at 2025 18:04

Nutserisoq Connie Fontain

Kalaallit Nunaanni Politiit 19-inik ukiulik, Brian Adolfsen Qaqortumi ujaarileruttorpaat.

Angutip angerlarsimaffini Majavejimiittoq qimakkaa sisamanngornerup tallimanngornerullu akornanni nalunaaqutaq 00.30 kingullermik takuneqartoq, Kalaallit Nunaanni Politiit Facebookikkut allapput.

Brian Adolfsen 175-180 centimeterit missaannik angissuseqartutut, tuattutut takilaartunillu taartunik nujaqartutut nassuiaatigineqarpoq.

Kalaallit Nunaanni Politiit qatserisartut peqatigalugit SAR-imik nunakkut ujaasileruttorput.

- Qaqortumit aallarsimaneranut takussutissaqanngilaq, taamaammat nunakkut ujaasivugut, pigaartut pisortaat oqarpoq.

Brian Adolfsenip kingullermik takuneqarnermini qaatigooq tungujortoq taartoq, qarliit qaamasut gummillu kajortut atorpaat.

Brian Adolfsenip sumiiffianik ilisimannittoqaruni politiit 70 14 48-mut attavigineqarsinnaapput.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.