Thomas ’Tyt’ Mogensen Nalik Venturesimi pisortaanertut soraartoq

Atorfininnermini nersorniarneqarpoq – piffissaq sioqqullugu maanna soraarpoq. Suna pissutaanersoq suliffeqarfiup paasissutissiissutiginngilaa.

Allattoq Markus Valentin

juulip 25-at 2025 12:05

Nutserisoq Karla Heilmann

Thomas ’Tyt’ Mogensen Nalik Venturesimi pisortaanertut soraarpoq.

Illugiilluni isumaqatigiissuteqarnikkut 23. juli 2025 aallarnerfigalugu Nalik Ventures-mi pisortaanertut atuuffeqarunnaasasoq, taamaasillunilu januar 2026-miit atuutilersumik atorfimminit soraavissasoq, suliffeqarfik tusagassiutinut nalunaarummi allappoq.

Peter Christiansen pisortaanerugallartussatut inissinneqarallassaaq.

Thomas Mogensen pisortaanertut 1. Oktobari 2023-mi atorfinippoq.

Taamani siulersuisut siulittaasuata Miki Lyngep nersualaangaarlugu oqarpoq:

- Kalaallit Nunaanni inuussutissarsiornermi inerisaanermik inuiaqatigiinnullu kalaaliusunut paasisimannilluartumik misilittagartuumillu nukittuumik aqutsisinnaasumik ujartuinikuuvugut. Inuk taanna Tytimi nassaaraarput, inuiannut kalaaliusunut tamanut nuannaarutaasumik iluaqutaasumillu kinguneqarluartussamik suleqatigiinnissatsinnut qilanaarpunga.

Nalik Ventures sooq nutaamik pisortaanermik ujaasisariaqalerneranut pussutaanersoq itisilernerusinnaanagu, Miki Lyngep KNR-imut maanna oqaatigaa.

- Illugiilluni isumaqatigiissuteqartoqarsimagaaangat, oqaaseqarfigineqaqqittariaqanngitsoq oqaatigineqartarpoq. Soraarsinneqanngilaq allatulluunniit, januaarillu tungaanut soraarnissaminut akissarsisarallassaaq, Miki Lynge oqarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.