Polar Nanumi inuttat Enoksen isornartorsiorpaat
- Isumaqarpugut aalisariutaatileqatigiiffiup akuersissutaanik arsaariniarneratigut suliffitta annaariataarsinnaaneranik Polar Nanumi inuttat naalakkersuisup siorasaartariaqanngikkaluaraatigut.
Hans Enoksenip kilisaatini hashimik nassaartoqassagaluarpat kilisaataatileqatigiiffiit aalisarsinnaanermut akuersissutaannik pisassiissutinillu arsaarneqarnissaannik sioorasaarinerata kingorna Polar Nanumi inuttat tamanut ammasumik ilaatigut taama allagaqarput.
Islandimi ullut aliasuffiusut amerlasimaqisut pisumillu sunnertisimaqalutik inuttat erseqqissaatigaat. Taamaammat aalisarnermut naalakkersuisuisup piffissami matumani taamatut oqaaseqarnera akunnattutut isigaat.
- Isumaqarpugut hashimik suliaq utaqqissussimasinnaagaluaraa, tassungalu taarsiullugu Islandimi ilaqutaasut misiginneqataaffigalugit, taakkumi nalornisimapput annilaangallutilllu neriuutigalugu panitsik ajunngitsoq nassaarineqassasoq.
AAMMA ATUARUK Tusagassiuut: Arnap 20-nik ukiullip ID-kortia Polar Nanumi nassaarineqartoq
Inuttat aamma hashimik imigassamilluunniit paarisaqarneq soraarsitaassutigisinnaallugu erseqqissaatigaat, aamma pinerluttuliortoqarneranik paasiniaanissaq politiit ilanngaaserisullu suliassarigaat nalunagu oqaatigaat.
- Aammattaaq nalunngilarput innuttaasutut pisortallu taamatut suliaqarneranni ikiornissaannut tapersiinissatsinnut pisussaaffeqartugut. Pisussaaffik tamanna pimoorupparput suliallu uuma suliarineqarnerata nalaani annertuumik pisussaaffipput malillugu suleqataalluta.
AAMMA ATUARUK Polar Seafood upalungaarsimasunut 100.000 koruuninik tunissuteqartoq
Enoksenilli erseqqissaatigaa siunissami anngiortumik eqqussuisoqannginnissaa ingerlatseqatigiiffiit akisussaaffigisariaqaraat suli aalajangiusimallugu.
Taamaammat umiarsuaatileqatigiiffiit hashimik anngiortumik eqqussuisarnerup akiuiniarnerannik Enoksenip tapersersuinissaa inuttat ujartorlugu oqaatigaat.
- Aalisariutaatileqatigiiffiit hashimik suliaq pingaartoq anngiortumik eqqussuisarnernik pinngitsoortitsiniaanerat tapersernagu suleqatiserinninnanilu, taarsiullugu, Islandimi pisup alianartup Hans Enoksenip politikkikkut isummaminik nittartaasiffigerusunneruvaa, Polar Nanumi inuttat taama isornarsiuipput.
AAMMA ATUARUK Birnamut tunngasut
