POLAR NANOQ Polar Seafood upalungaarsimasunut 100.000 koruuninik tunissuteqartoq

Islandimi arnap toqutaasimasup Birna Brjánsdóttirip ujaarineqarneranut tapiissutitut, Polar Seafood islandimiut aningaasaataannik 1,6 millioninik - 100.000 koruuninik - tunissuteqarniarpoq.

Allattoq Helle Nørrelund Sørensen

januaarip 24-at 2017 06:47

Nutserisoq Simon Uldum -

Kilisaataatileqatigiiffik Islandimi annaassiniarnissamut upalungaarsimasunut - SAR-imut - allagaqarluni taama nalunaaruteqarpoq. Annaassiniarnissamut upalungaarsimasut Facebookimi quppernerminni taama allaaserisaqarput.

Kilisaataatileqatigiiffiup sulisuisalu allakkaminni periarfeerunneqartup Birna Brjánsdóttirip ujaarineqarnerani upalungaarsimasut "ulluni kingullerni qasusuillutik sulisimanerannut" qujaniarfigaat aningaasanillu tunissuteqarfigiumallugit.

Aamma atuaruk Polar Nanumi inuttaasut attortisimaqisut

Birna Brjánsdóttir Reykjavikkip illoqarfiata avataani sissap eqqaani toqungasoq sapaatiummat unnukkut nassaarineqarpoq.

Polar Seafoodip kilisaataataani Polar Nanumi inuttaasut angutit marluk toqutsisimasutut pasineqarlutik ulluni kingullerni pingasuni immikkoortitaallutik tigummigallarneqarput politiinillu ullumikkut killisioqqinneqartussaallutik. Islandimi nutaarsiassaqartitsivik visir.is taama allaaserisaqarpoq.