Polar Nanumi inuttaasut attortisimaqisut

- Islandimi pisoq alianartoq Polar Nanoq-mi inuttat tamatta annertuumik attortissimassutigaarput. Pisumut eqqugaassimasut ilaqutaasullu tamarmik misiginneqatigaavut, aamma tamatta pinngitsoqarata neriuppugut susoqarsimanera paasilertorneqarlunilu pinerluuteqarsimasut akisussaatinneqassasut, kilisaammi inuttaasut tusagassiuutinut allapput.

AAMMA ATUARUK Polar Nanumi inuttat marluk politiinit tigusarineqarput

Inuttat arlallit periarfeerunneqartup qanigisaaniit allaffigineqarsimagaluarput, inuttalli avammut nalunaaruteqaqqusaasimanngillat piffissallu ingerlanerani susoqarneranik ilisimasaqarsimanatik. 

- Taamaattoq inuttaqatigiilluta ataqatigiissinnaasimanerput qujamasuutigaarput, minnerunngitsumillu ilaquttatta suliffittallu tapersersuisimaneranik annertuumik qutsatissaqarpugut.

Kilisaammi inuttaasut aqqusaagartik sakkortunaarsimavaat ilaallu angerlaannartariaqarsimallutik. 

- Eqqarsaaterpassuit aqqusaarpaatigut. Erseqqissaassutigerusupparput pisumut inuit ataasiakkaat iluuseqarsimammata, taakkulu iliuuserisaat uagut suliartortutut inuiaqatigiittulluunniit qanorluunniit akisussaaffiginagillu akisussaaffigisinnaannginnatsigit. Nalunngilarpulli pisoq misigisimasarpullu sivisuumik qaangerniartussaallutigu, Polar Nanumi inuttaasut tusagassiuutinut allapput.

Naak pisoq ilungersunaraluartoq Islandimiut tamarmik pisarnermisut inussiarnernerat tikilluaqqusinerallu allanngorsimanngitsoq kilisammi inuttat naggasiutigalugu allapput.