Nunanit allanit

Polar Nanumi inuttat marluk politiinit tigusarineqarput

Polar Seafoodip kilisaataataani Polar Nanumi inuttat marluk Islandimi politiinit tigusarineqarsimapput.
Rigspolitiet
Assi © : Rigspolitiet
Allattoq Anton Gundersen Lihn
januaarip 18-at 2017 15:51

Islandimiut radioat tv-qarfiallu RUV, politiit tusagassiuutinut nalunaarutaat aallaavigalugu taama allaaserisaqarpoq.

Polar Nanoq, Polar Seafoodimit pigineqartoq, Islandimi arnap 20-nik ukiullip periarfeerunneqarneranut attuumassuteqarnersoq Islandimi Politiit maanna misissuiffigileruttorpaat. Arnaq 20-nik ukiulik taanna Islandimi arfininngormat ullaakkulli periarfeerunneqarpoq.

AAMMA ATUARUK Qulimiguulik kalaallit kilisaataataannukartinneqarpoq

Politiit nalunaarutaat, nutaarsiassaqartitsivimmit RUV-mit aamma allaaserineqartoq naapertorlugu Islandimi politiit immikkut sungiusakkat ullumi ullup ingerlanerani Polar Nanumukaanneqarput. Angutit marluk tassani tigusarineqarput, kilisaallu nakkutigineqalerpoq umiarsualiviliaanneqarnissaalu isumagineqarluni.

Polar Seafoodimi siulersuisut siulittaasuata Henrik Lethip, KNR-imut ippassaq marlunngornermi unnukkut oqaatigaa ingerlatseqatigiiffiup kilisaat Reykjavikimut maanna utertikkaa, politiillu Reykjavikimiittut suleqatigineqartut.

 

 

 

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk