Tusagassiuut: Arnap 20-nik ukiullip ID-kortia Polar Nanumi nassaarineqartoq
Islandimi naalagaaffiup radioaqarfia RUV, aviisi Morgunbladid naapertorlugu taama allaaserisaqarpoq.
RUV-mit aamma paasissutissiissutigineqarpoq videokkut nakkutilliissutit assilisaatigut takuneqarsinnaasoq ullormi Birnap periarfeerunneqarfigisaani ullaakkut arfernup arfineq-marlullu akornanni angutit kalaallit pasineqartut marluk biilimik attartukkaminnik Polar Nanumut tikiuttut.
AAMMA ATUARUK Birnamut tunngasut
Kingunitsianngualu aappaa kilisaammut ikivoq aappaalu biilimik ingerlaqqilluni, akunnerillu arlallit mulusinnarluni aatsaat uterpoq.
Pasisaasut marluusut ulluni kingullerni pingasuni immikkoortitaallutik politiinit tigummigallarneqarput.
Angutit taakku islandimiut politiivinit ullumikkut killisioqqinneqassapput. Aviisi Morgunbladid naapertorlugu, tamanna oqalutseqartitsilluni kalaallisut ingerlanneqassaaq.
Nutartigaq nal. 13.36: Reykjavikimi politiit KNR-imut ilisimatitsipput Birna Brjansdottirsip kinaassutsimut uppernarsaataanik Polar Nanumi nassaarineqarsimaneraaneq uppernarsarsinnaanagu.
